Wp/kum/Киви
Киви (лат. Apteryx, орус. Киви) — Дюньяда нече де арив, тамашагъа къалдырагъан жанлар бар. Айрокъда Австралияны агъачлыгъында олар кёп ёлугъа. Бизин якъларда буса булай жанланы гьайванлар сакъланагъан паркларда гёрмеге болабыздыр. Къарагъыз, яшлар, киви не жан деп эсигизге геле? Гьеч къушгъа ошайгъан ери бармы? Ёкъ. Киви – оьзге къушланы арасында лап да тамаша къаркъаралы бир къуш. Бизин якъларда яшайгъан ябалакъ йимик, киви къушну да гёзлери гюндюз гёрмей. Ашама да олар кёбюсю гече геч вакъти чыгъа. Яхшы узун къушбуруну ва бек гиччи гёзлери бар. Савлай къаркъарасында лансыллап турагъан къанатлары бек къысгъа. Къуш силкинеген заманда, къаркъарасындагъы увакъ къанатлары гёпюрюлюп, уьфюрсенг авардай, къушну енгил гёрсете. Аякълары яхшы узун ва дёрт бармакълы. Гёзлери гёрмесе де, тек бек ийис биливю ашама ва яшама кёмек эте. Киви къушну яшавуну узакълыгъы – 60-70 йыл. Сонг да, бу къуш дюньяда айтылгъан Къызыл китапгъа да гирген.