Wp/kum/Идрис Бийарслан къади Идрисны уланы
Идрис Бийарслан къади (Идрисни уланы) (1888-1963) — 1933-1954 йылларда Бойнакъск шагьарны къадиси, муслиман гьаракатчысы, алим.
Бийарслан къади 1888 йылда Бугъленде тувгъан. Атасы Идрис болгъан. Яш заманына ругьани ва алим бугъленли Бугленли Насруллагь гьажини алдында охуйгъан болгъан.
Бийарслан уллу булгъавурлары булангъы девюрде Бойнакъскидеги межигитни къадиси ва имамы болуп узакъ заман ишлеген. Оьзюн халкъыгъа билимлери терен, къылыгъы таза ругьани гьисапда танытгъан. Бойнакъскиде ва Тёбен Къазанышда межитлерде жумагюнлер ол этген насигьатланы хыйлылары халкъны арасында сакълангъан.
1929-нчи йылда Бийарслан къадини тутуп, Ухта-Печор лагерге бакъдыргъан. Ондан ол 1933-нчы йылда Дагъыстангъа къайтгъан. Шо замандан берли, ол 1954 йыл болгъунча Бойнакъскиде динге арт берилмей къадилик ишин юрютген. Не пуршавлар гёрсе де, ёлундан таймагъан, ялгъанча яшамагъан. КГБден огъар къаршы чагъывлар Дагъыстан партаппаратгъа кёп керен йиберген эди.
1950-нчы йылларда ол савлай Шимали Кавказны бусурманларыны идарасында жаваплы къуллукъчусу болуп ишлеген. 1963-нчы йылда гечинген. Ону къабуру Бугъленде.
Ону артындагъы Бойнакъскиде бир орамгъа ат тагъылгъан.
Китаплар
[edit | edit source]- Бийарслан, 1925 — Бийарслан-кади. Ал-ислам ва ал-муслимун (Ислам ва муслиманлар) // Байан ал-гьакъаикъ журналы, 1925, № 2.