Wp/kum/Динге чакъырыв

From Wikimedia Incubator
< Wp‎ | kumWp > kum > Динге чакъырыв

Магьаммат (а.с.) инг башлап оьзюню къурайыш тухумун динге чакъыра гелген. Къурайышлар, янгыз Маккада тюгюл, савлай Арабыстан ярыматывда сыйлы къавум деп санала болгъан. Бир якъдан, булар - Ибрагьим пайхаммарны (а.с.) уланы Исмайылны наслусу, бирдагъы якъдан, гьар ерден гелеген сатыв-алывчулар жыйылагъан базарланы есилери болгъанлар. Уланы Исмаил булан бирче Ибрагьим Кааба уьйню гьайын этип, гелген гьажилени кёп къабул этип тургъанлар. Бу уьйге де Аллагьны уью деп айтыла гелген.

Болса да, къурайышлар аста-аста о уьйге тюрлю хачланы гелтирип, Ибрагьимни динин харап этген. Магьамматны(а.с.) заманында буса о Кааба уьйню ичинде ва айланасында 360 хач болгъан. Булай уьйренген къурайышлар Магьамматны (а.с.) чакъырывун къабул этмеген. Ондан къайры, огъар кёп зулму да этип, сонг оьлтюрмеге де гьазир болгъанлар. Аз буса Магьаммат пайхаммаргъа (а.с.) инанып, ону артына тюшгенлер де болгъан. Биринчи шолай иман салгъанлардандыр къатыны Хадижат, къурдашы Абубакар, Умар, Осман, узукъариси Али ва башгъалары. Ону артына тюшгенлеге "асгьаплар" деп айтыла. Асгьапларда къурайышлардан кёп къыйын гёрген, сонг дагъы чыдама болмайгъан гьалгъа етишгенде, Аллагьутаала Мадинагъа гёчмекни ихтиярын берген.