Wp/kum/Гучков Александер Иванович

А. И. Гучков

Александер Иванович Гучков (Гучкоф) (14 (26) байсан 1862 йылда, Маскев — 14 чилле 1936 йылда, Париж) — орус сиясат ва жамият чалышывчу. "17 октабер бирлиги" партияны башчысы, ва 1917 йылны яйындан берли — Русияны Либерал Републик Партияны да. III Пачалыкъ Думаны юрютювчюсю (1910—1911), Пачалыкъ Шураны уьюрю, Орта Черив-Индустриал Комитетни юрютювчюсю (1915—1917). Заманлыкъ Гьукуматны Черив ва заманлы Денгиз вазири (1917). Инкъылапчыланы, Совет (болшевик) гьукуматыны душманы.

Феврал инкъылабы

Феврал Инкъылап болгъанда републик (парламентлы) монархияны сакъламакъ учун бир тилбирлик къургъан. Биринчи гюнлерде ону фикрусу да уьстюнлю болгъан, амма Николай II-ни юрюшюн учун бу фикру ахырына етмеди.

Бир нече реформланы ясавчу болгъан.

Ватандаш даву

Нарсанада яшап тургъан, балшевиклерден протестант пастор йимик гьиллагъа къалып Эсентукъда яшынып тургъан. Ондан сонг Екатеринодаргъа (бугюнгю Краснодар) барып Гёнгюллю асгерге тюшдю. Онда Черив-Индустриал тармакъда иш къурашдыра тургъан ва Деникинге политик масалалар якъдан генгешив этген.

Гёчмен ва ахырынчы йыллар

1919 йылда Яврупагъа дипломатик ва сурсат кёмек саялы тапшурув булан баргъан. Онда Франс президенти Раймон Пуанкаре ва Уллу Британияны биринчи вазири Винстон Черчил булан ёлукъгъан.

Гьитлер Алманда гюч алгъанда, гелеген давну чалтдан алданокъ англап билдирген. Ва ССЖБ-ни кёмеги булан Алмандагъы финансистлери булан башгётеривюню гётермек учун къаст этген. Шону учун Гьитлерни энчили душманы болгъан.

1935 ичек оьлет булан авургъан ва 14 феврал 1936 йыл гечинген.

Китаплар

• Сенин А. С. Александр Иванович Гучков. М. : Скрипторий, 1996. ISBN 5-7471-0002-7
• Козодой В. И. Александр Иванович Гучков и Великая русская революция. : Новосибирск, 2015. ISBN 978-5-9906294-2-4
• Гучков А. Московская сага: Летопись четырёх поколений знаменитой купеческой семьи Гучковых. 1780—1936. СПб.: Лимбус-Пресс, 2005. 688 с., ISBN 5-8370-0111-5

Байланывлар

• Государственная дума Российской империи, 1906—1917 : Энциклопедия. Москва : Российская политическая энциклопедия, 2008. С. 154—155. ISBN 978-5-8243-1031-3.
• Седова Я. А. Великий магистр революции. М. : Алгоритм, Эксмо, 2006. ISBN 5-699-18852-5.

3-й созыв Государственной Думы: портреты, биографии, автографы. — Санкт-Петербург : издание Н. Н. Ольшанскаго, 1910.

• Gleason, William. Alexander Guchkov and the End of the Russian Empire. / Transactions of the American philosophical society, vol. 73, part 3.. — Philadelphia, 1983. — 90 с.Макаров Н. В. Англоя*зычная историография о деятельности А. И. Гучкова // Вопросы истории. — 2013. — № 2. — С. 167—175.