Wp/kum/Анхел
Анхел шаршар ( исп. Salto Ángel, пем. Kerepakupai Meru, яда Parakupá Vená ) – Kerepakupai vena «Лап терен ерни шаршары» Пемон тилден таржумасын этсе, Ниагара шаршар булан тенглешдиргенде, ондан эсе 20 керенге бийикде. Сув 1 чакъырымгьа ювукъ - 978 метр бийикликден агъыла. Шогьар гёре де Анхел шаршар дюньяда лап бийик шаршар деп санала.
Суратлаву
[edit | edit source]Аты учувчу Джеймс Эйнджелге багъышлап тагъылгъан. Ол 1933-нчю йылда биринчилей бу шаршарны тапгъан.
Бийикликде ерлешген саялы да, ерге тёгюлгенче сув эки якъгьа бюркюп чачырап, бир нече чакьырымлагъа да булутгъа айланып къала. Анхел шаршар Венесуэланы агьачлыкьларында ерлешген. Суву буса Керен деген оьзенге тёгюле. О кьалын агьачлыкъда ерлешген. Шогьар гёре шаршаргьа багьып ёл ёкълугьу саялы да, ону къырыйына барма-гелме бек четим. Шаршарны гёрме сюегенлер, баягъы, гьавадан ва оьзен булан барма ва къарама амал этелер. Анхел шаршар Венесуэланы айрыча тергевге лайыкьлы, гёзел ерлерини бири.
Туристлик
[edit | edit source]Анхел шаршар Венесуэланы къыр еринде ерлешген, онда яда гьавадан, яда оьзен булан барып бола. Шолай болса да бу шаршаргъа зиарат этеген адамлар йылдан йылгъа арта.
Байланывлар
[edit | edit source]