Wp/krl/Vladimir Brendojev
Vladimir Jegorovitš Brendojev (ven. Влади́мир Его́рович Бре́ндоев; 6. šyyškuuta 1931 Aunukšen piirin Sammatukšen kylä – 24. šajekuuta 1990 Aunuš) oli karjalaini kirjuttaja. Vladimir Brendojev lopetti Belomorskin merenkulkuopiston, ruato merimiehenä ta vuuvvešta 1972 ruato kalaššukšenvalvontalaivan kaptenina Iänisjärvellä. Vuuvvešta 1983 hiän ruato Karjalan tietokeškukšen Kielen, kirjallisuon ta istorijan instituutissa. Brendojevie voi pityä enšimmäisenä livvinkielisenä kirjuttajana. Hänen tevokšie painettih 1970-luvulla Neuvošto-Karjala ta Punalippu -lehtilöissä. Enšimmäini runokirja "Aunusrandaine" ilmešty vuotena 1980. Vuotena 1988 painettih kertomuškirja "Kyl’mil". Brendojevin runot muissutetah kanšanrunoutta ta niihi on šävelletty lukusie lauluja. Šamoin hiän toimi klassisen venäläisen kirjallisuon kiäntäjänä. Vuuvvešta 2001 Aunukšešša on pietty kirjuttajan muissolla omissettu jokavuotini runojuhla. [1]
Tevokšie[edit | edit source]
- Anusrandaine: runoja karjalaksi. Petroskoi: Karjala, 1980.
- Hiilau huoli: runoja karjalaksi. Petroskoi: Karjala-kustantamo, 1983.
- Kadajikko: runot da runoelmu. Petroskoi: Karjala-kustantamo, 1986.
- Kyl’mil: kertomuksia karjalan kielellä. Petroskoi: Karjala-kustantamo, 1988 (toinen painos 1990).
- Sa olet armas: runot da runokiännökset. Petroskoi: Karjala, 1989.
- Runoja. Petroskoi: Karjala-kustantamo, 1991.
- Sana, kuultu muaman suus: Karjalažet runot lapsilla. Petroskoi: Karjala, 1991.
- Jättie hyvä jälgi muale: runot da runokiännökset. Petroskoi: Karjala, 1999.
Šuomennettuja tevokšie[edit | edit source]
- Aunusrantaseni. Kiäntän ta toimittan Aku-Kimmo Ripatti. Pohjoinen, 1986.
Teemašta lisyä[edit | edit source]
Vladimir Brendojevin lyhyt elämäkerta ja näytteitä tuotannošta (venäjäksi), (karjalakši)
Lähtehet[edit | edit source]
- ↑ Karelija: entsiklopedija. Tom 1, s. 179. Petrozavodsk: PetroPress, 2007. ISBN 978-58430-0123-0.