Wp/krl/Vesimykrä (čupihiiri)
Vesimykrä (Neomys fodiens) on toini kahešta vesimykräksi kuččutušta eläimeštä. Še on čupihiirien heimoh kuuluja imettäjä, kumpasella on tuuhie, pehmie turkki. Turkki on šeläštä mušta ta vačašta valkie ili harmua. Vesimykrä eläy Norjašša, Ranškašša ta Yhistynyöššä kuninkaškunnassa aina Amurjoven šuulla.
Vesimykrä eläy tavallisešti vesistöjen rannoilla. Še ui nopiešti, čukeltau taitavašti ta viihtyy hyvin veješšä. Eläin šyöy matoja, hyönteisie, veješšä eläjie šelkärankattomie i pikkuimettäjie; jyrsijöijen poikasie, skokunie ta höttejä. Šen päiväššä šyömän ruuvvan paino ylittäy eläimen oman painon. Vesimykrä lisääntyy kevyällä ta keškikešällä; pešovehessa on 4-10 poikasta.
Vesimykrän tietehellini nimi tulou kreikan kielen šanoista neo (mie uin) ta mus (hiiri). Lajinimi fodiens tarkottau kaivavua. Vesimykrä on Šuomen ainuo myrkyllini imettäjä.