Jump to content

Wp/krl/Tuhkapatuna

From Wikimedia Incubator
< Wp‎ | krl
Wp > krl > Tuhkapatuna
Tuhkapatuna on koški Tuhkajovella Louhen piirissä.

Tuhkapatuna on kakšiošani vesiputouš, kumpani on Tuhkajovella Louhen piirissä Vienan Karjalašša.

Ensimmäini vesiputoukšen oša on ollun ennein tärkienä paikkana. Kantaeläjien šanojen mukah, siinä oli mylly, kumpasella lähellä olijien kylien eläjät käytih jauhuo jauhomašša. Huvimaja ta šilta ollah paikallisen Meččätalouven rakentamat (1998) ta hoitamat.

Toini košen oša on 50 metrie alempana virtua myöten. Pitän aikua siih oli keräytyn kaikenmoista klamuo: hiršijä, lautoja, autorenkahie ta muuta. Monivuotini ryteikkö on johtan siih, jotta joki läksi pois omašta alkuperäseštä uomašta, vesi rupesi virtuamah ešteitä kierrellen ta rantapuijen juurie mullašta pal’l’aštaen. Kašvimuajilman rinnalla oli käršin faunaki: kutuaikana kalan oli melko mahotointa piäššä pavon yli. Kešäkuušša-heinäkuušša 2016 paikallisien eläjien voimin pato oli purettu, joki on myöštyn omih rantoih. Talkojen järještäjänä on Vienan Virta –kanšalaisjärještö, kumpani toimiu Piäjärven kyläššä.

Järven, joven ta košen nimi johtuu rantojen tahi pohjan luonnošta: karjalan kieleššä ”tuhka” tarkottau šamoin ”hienuo hiekkua”, ”tuhkamua” tarkottau ”kuivua, huokoista muata”.

Aihiešta muuvvalla[edit | edit source]

Talko Tuhka-putoukšella 2016