Wp/krl/Sommelo
Sommelo on kanšanmusiikkifestivali, kumpaista järješšetäh joka vuosi šulakuun alušša Kainuussa ta Vienan Karjalašša. Tapahtuman peruštajana on Kuhmošša toimijua Juminkeko-šiätiö, kumpani vaštasi tapahtuman järještämiseštä 2006-2013. Šen jälkeh tapahtuman järještämiseštä on vaššannun Pro Sommelo ry. Konserttija on Kuhmon lisäkši Šuomuššalmešša ta Sotkamošša šekä Vienan Karjalan runokylissä Uhtuošša ta Haikol'ašša. Sommelon kanšainväliseh ohjelmah kuulu konserttien lisäkši koulutuš eri instrumentoissa ta kanšanmusiikkih liittyvie seminarija. Joka vuosi Sohjanankošešša esiinty niise mi lienöy teatteriryhmä.[1]
Sommelon taitehellisena johtajana 2006 vuuvvešta 2015 šuaten oli musikantti-runonlaulaja Taito Hoffrén. Vuuvvešta 2016 tapahtuman taitehellisena johtajana on toimin musiikintutkija Maari Kallberg, kumpani on erikoistun toisien lisäkši vienankarjalaisih joikuperintehih.