Wp/krl/Roštuo
Roštuo on vuosittaini talvikuun lopušša olija pruasniekka. Še on vanha ta ylehini pruasniekka kaikkiella muajilmašša. Ristikanšat pruasnuijah roštuota Iisussan šynnynnän muissiksi. Šuomešša roštuon pito alkau jo šynnynpäivänä (24. talvikuuta), onnakko talvikuun 25. päivä on varšinaini roštuopäivä. Roštuoh kuulutah yheššäolomini ta roštuopotarkat (lahjat, kenkit).
Roštuon ajankohta on ammusen romalaisen kalenterin talvipäivänšeisavukšen päivämiärä. Šuomešša roštuota kuččutah nimellä joulu, mi on ruoččalaini tahi skandinavini laihina. Alkujah še on ollun hristossanuškuo ieltänyön ušon talvipäivänšeisavukšen muinaisgermanini nimi. Roštuošša ollah yhissytty kristillini pruasniekka, ammuni romalaini saturnalia-pruasniekka ta Europan pohjosten kanšojen vil'l'elyšvuuvven loppujuhla yule, Šuomešša niise vanha vuuvvenkiännökšen pruasniekka kekri.