Wp/krl/Paragvai

Paragvain flagu

Paragvain šijainti

Paragvai (ispanjakši Paraguay, guaranikši Paraguái), virallini nimi Paragvain tašavalta (ispanjakši República del Paraguay, guaranikši Tetã Paraguái), on valtivo Šuvi-Amerikašša. Šillä ei ole merenrantua. Šuvešša ta lounasešša še rajoittuu Argentiinah, luotehešša Bolivijah ta ijäššä ta koillisešša Brasilijah. Muan nimi tulou guaranin kieleštä, kumpasešša Paragvai tarkottau "šuurta jokie". Toičči Paragvaita kuččutah Amerikan šyväimekši, koška še šijaiččou aivin Šuvi-Amerikan kešellä.

Paragvain pinta-ala on 406 750 nelijökilometrie ta väkiluku 7 003 000 eläjyä (vuotena 2015). Piälinna on Asunción. Viralliset kielet ollah ispanja ta guarani. Paragvai on muajilman ainuo valtivo, kumpasešša enämmistö eläjistä pakajau intianikieltä: noin 75 % pakajau ispanjua, ka guaranie pakajau vielä 90 %.