Wp/krl/Orava

Orava

Orava (Sciurus vulgaris) on jyršijöih kuuluja pieni elätti. Oravie on kaikissa Karjalan mečissä, onnakko enämpi niitä on šuvipuolešša, šentäh kun šielä on eri luatusie ta eri ikäsie meččie. Oravan ruumihin pituhuš on 18–28 senttimetrie ta hännän 15–25 senttimetrie, paino on 200–400 grammua. Orava tunnetah turpiešta hännäštä ta ruškienpruunista karvašta. Isäččyt ollah useičči emäččyjä šuurempie.

Ennein orava on elän vain mečissä, ka nykyjäh šitä voi nähä linnoissaki. Orava on ylen kaprakka kapuomah puissa, ta šinne se luatiu pesänki. Orava šyöy kuusen ta männyn šiementä, lintujen jiäliččyä, marjua ta puijen lehenkantua.

Ennein oravannahkoja (kettuja) on käytetty makšamiseh, ta šana raha tulou germanilaisen kantakielen šanašta *skrahō (orava, oravannahka).