Wp/krl/Kielitieto

Kielitieto ili lingvistikka on kieltä tutkija tieto. Varsinaisešša kielitiijošša kieltä tutkitah iččenäisenä sistiemana ilmain yhtevyttä ulkopuoliseh tovellisuoh.

Kielitiijošša tutkinnan kohtehena voijah olla

• kielen ylehiset ominaisuot
• yksi kieli tahi murreh
• yhen ristikanšan pakisoma kieli tahi idiolekta, tahi joukon kieli.

Kaikista enämpi kielitiijošša tutkitah ešimerkiksi eri kielien yhenluatusukšie (universualat), kielen ta tuumaičennan yhtevykšie, kielissä tapahtujie muutokšie ta niijen syylöitä. Eri kielien universualat kuulutah kielitiijon alah, mitä šanotah ylehisekši kielitiijokši.

Kielitiijolline tutkinta voi olla

• sinhronini, konša tutkitah kielen tilua missänih aijašša. Enimyölleh tutkitah abstraktnoin tämän aijan kieltä.
• diahronini, konšša tutkitah kieltä aijan aloh muuttujana fenomenana. Diahronisešša tutkinnašša fenomenoin muutuntua šelitetäh vanhoista tekstoista ta šukukielistä šuavun tiijon avulla.