Wp/krl/Gilgameš

From Wikimedia Incubator
< Wp‎ | krl
Wp > krl > Gilgameš
Alkujah Gilgameš oli kirjutettu nuolenpiäkirjutukšella šavitauluilla.

Gilgameš on muinasešta Mesopotamijašta peräsin olija eepossa ta muajilman vanhin eepossa. Še kertou mifologisen kuninkahan Gilgamešin šeikkailuista ta matašta eččimäh ikusta elämyä.

Gilgameš juatah 12 tauluh ili runoh, kumpasista viimeni on muita uuvempi lisäyš. Eepossan alkuperäni kieli on akkadi, ka še on kovottu ta kiännetty sumerinkielisistä kanšanrunoista. Eepossan piähenkilö Gilgameš on tovellini henkilö, kumpani halličči vuosien 2800 ta 2600 välillä Urukin kaupunkie nykyseššä Irakissa. Iče eepossa on luotu vuosien 2000 eaa. – 1600 eaa. välillä. Eepossan 11. taulušša olija vejennoušukertomuš tuaš on šamua alkuperyä kuin Piiplijan vejennoušukertomuš.