Wp/krl/Donostia
San Sebastián (baskikši Donostia) on Gipuzkoan muakunnan piälinna Baskimuan ičehallintoalovehella Pohjois-Ispanijašša. Vuotena 2012 kaupunkissa oli 186 409 eläjyä. Donostia šijaiččou Biskajanlahen rannalla lähellä Ranškan rajua.
Donostialla on oma jalkapallogruppa Real Sociedad, kumpani kisuau Ispanijan Primera Divisiónašša. Kaupunkišša pijetäh joka vuosi Donostian rahvahienvälini filmafestivuali, kumpani on järješšetty jo vuuvvešta 1953 alkuan. Donostia oli Europan kulttuuripiälinna vuotena 2016.
Kaupunkin ispanijankielini nimi San Sebastián ta baskinkielini nimi Donostia ollah šamua alkuperyä: kumpiki viittuau Pyhäh Sebastianukšeh. Baskinkielisen nimen alkuošašša dona/done/doni merkiččöy "pyhyä" ta tulou latinan šanašta domine. Nimen kehitykšeštä on olomašša kaksi teorijua: toisen mukah še on ollun *Done Sebastiáne > Donasa(b)astiai > Donasastia > Donastia > Donostia, toisen mukah *Done Sebastiane > *Done Sebastiae > *Done Sebastie > *Donesebastia > *Donasastia > *Donastia > Donostia.