Wp/krl/Šuarva
Šuarva (Lutra lutra) on vesielämäh kuvautunut šuurikokoni niätäeläin, kumpasen vartalonrakenneh on pitänomani ta čohera. Jalat ollah lyhyöt, varpahien välissä on uimaräpilät. Pieneššä piäššä on lyhyöt ta tuntumattomat korvat. Čukeltuas's'ah šuarva šulkou korvat ta henkityštiet. Pitkä häntä toimiu rul'ana. Vettä hylkijä turkki on tummanpruuni ili pruuni. Vartalon pituhuš on senttimetriä 60–127 ta hännän 32-39. Elukka painau 4-10 kilogrammua.
Šuarvan elinympäristyö ollah kalasat taigajovet. Pešän še luatiu vesistöjen rannalla kašvavih ruokoih. Šuarva on Karjalan Tašavallan Punasešša kirjašša.