Wp/krl/Älvdalska

Älvdalenin kunta Dalarnašša, missä paissah Älvdalskan murrehta.

Älvdalska (övdalsk, övkallmą̊l, dalska) on pohjoisgermuanista murrehta, kumpaista paissah yli 3000 ihmistä ta kumpaset eletäh tai ollah kašvanuott Älvdalenin (Övdaln) kyläššä, mi on Älvdalenin kunnan luoteisošašša Dalarnašša, Ruočissa.

Kuten muutki nykyset pohjoisgermuaniset kielet, Älvdalskan kieli tuli muinaisnorjalaisešta (vanha norjalaini) kielestä, jota paistih pohjoisgermuanit ta viikinkiläiset 1300-luvulta alkuan. Še on kehittyn melko erillisešti ta on ušottu, jotta še on jiänyn entistä lähemmäkši muinaisnorjua.

Perintehellisešti älvdalskua pietäh ruočin kielen murtehenä. Vaikka ruočin ta Älvdalskan kešen on vähän yhtehistä ymmärryštä, šentäh kun opaššuš ta yhteiskunnallini hallinto Älvdalenissa ollah ruoččilaisie, muamonkielen pakasijat ollah kakšikielisie. Šen alovehen harvat yksikieliset ruočinkieliset eläjät maltetah paissa tahi ymmärretäh Älvdalskan murrehta.