Wp/kri/Trinidad ɛn Tobago

Trinidad ɛn Tobago (/ˈtrɪnɪdæd ... təˈbeɪɡoʊ/ (lisin), /- toʊ-/), ɔfishal wan na di Ripɔblik fɔ Trinidad ɛn Tobago, na di ayland kɔntri we de na di sawt pat na di Karibian. I gɛt di men ayland dɛn we nem Trinidad ɛn Tobago, ɛn bɔku bɔku ayland dɛn we smɔl pasmak, ɛn i de 11 kilomita (6.8 mayl) frɔm di kɔst na di nɔt-ɛst pat na Vɛnizwela ɛn 130 kilomita (81 mayl) na di sawt pat na Grenada.[10] I sheb di maritaym bɔda wit Babedos na di ist, Grenada na di nɔtwɛst, Sɛnt Vinsɛn ɛn di Grenadines na di nɔt ɛn Vɛnizwela na di sawt ɛn wɛst.[11][12] Bɔku pipul dɛn kin tek Trinidad ɛn Tobago as pat pan di Wɛst Indiz. Di ayland kɔntri in kapital na Pɔt ɔf Spen, ɛn di siti we big pas ɔl ɛn we gɛt bɔku pipul dɛn na San Fɛnandɔ.

Di ayland we nem Trinidad bin de fɔ lɔng lɔng tɛm bay di Indijɔns pipul dɛn bifo i bi wan kɔloni na di Spanish Ɛmpaya, afta we Kristofa Kɔlɔmbɔs kam, insay 1498. Spanish gɔvnɔ Josɛf María Chakɔn bin sɔrɛnda di ayland to wan British bot we bin de ɔnda di kɔmand fɔ Shɛf Ralph Abercromby in 1797.[13] Dɛn bin gi Trinidad ɛn Tobago to Briten insay 1802 ɔnda di Triti fɔ Amiens as sɛpret stet ɛn dɛn bin gɛt wanwɔd insay 1889.[14] Trinidad ɛn Tobago bin gɛt indipɛndɛns insay 1962, i bi ripablik insay 1976.[15][10]

Trinidad ɛn Tobago gɛt di 5th ays GDP fɔ ɛni pɔsin bays pan pɔchɛshɔn pawa pariti (PPP) na di Amɛrika fɔ wan sovayb stet afta Amɛrika, Kanada, Di Bahamas ɛn Gayana as of 2022.[16] Di Wol Bank no am as ikɔmi we gɛt bɔku mɔni.[17] Nɔ lɛk bɔku pan di Karibian neshɔn ɛn teritɔri dɛm, we de abop pan turizm, di ikɔmi na fɔs fɔ industri wit ɛmpɛshmɛnt pan petrolium ɛn petrokemikal;[18] bɔku pan di neshɔn in jɛntri kɔmɔt frɔm in big rizɔv ɔyl ɛn nɛtrɔl gas.[19]

Trinidad ɛn Tobago na ples we pipul dɛn sabi gud gud wan fɔ in Afrikan ɛn Indian kɔlchɔ dɛn, we dɛn kin sho pan in big ɛn fambul Karnaval, Diwali, ɛn Hosay sɛlibreshɔn dɛn, ɛn bak na di say we dɛn bɔn stɛlpan, di limbo, ɛn myuzik stayl dɛn lɛk kalipso, soka, rapso, parang , chutni, ɛn chutni soka.