Wp/kri/Temne pipuldèm

Di Temne, we dɛn kin kɔl bak Atemne, Témené, Temné, Téminè, Temeni, Thaimne, Themne, Thimni, Timené, Timné, Timmani, ɔ Timni, na wan etnik grup we kɔmɔt na Wɛst Afrika,[2][3][4] Dɛn bin gɛt dɛn ɔrijin frɔm Kongo Bɛlt usay dɛn muf ɛn pas na Gini. Sɔm bin setul rawnd Kindia na Gini, ɔda wan dɛn kɔntinyu fɔ go na Kɔnakri we dɛn bin de liv togɛda wit di wan dɛn we bin de ɔs dɛn na di Bagga (di ɔrijinal etnik grup we na Kɔnakri). Dɛn bin gi wan land to di Temne we dɛn kɔl Themne Tha we min Temne tɔŋ. Sɔm bin muf go na Siera Liɔn ɛn setul rawnd ɛn krɔs Kisi kisi riva we na di prɛsɛn Forecaria ɛn di riva we de nia am stil de kip in nem Kisi kisi (dɛn dɔn bil wan mɔdan brij fɔ tek di ol mɛtal brij in ples wit bang mɛtal). Kisi kisi we na Forecaria naw bin yus fɔ de insay big pat pan di Temne we na bin di fɔmal bɔda bitwin Siera Liɔn ɛn Gini (riva Kisi kisi). Dɛn bin gɛt dɛn sɛtilmɛnt na Kisi kisi frɔm di Atlantik Kɔstal sɛtilmɛnt to di hinterland to Kindia usay dɛn fɛn dɛn kɔmpin dɛn Temne we bin gɛt dɛn sɛtilmɛnt rawnd Kindia aks. Dɛn bin gɛt dɛn sɛtilmɛnt na vilej dɛn frɔm Kisi kisi (Forecaria) rayt te to Faramoria, Fo Rod (we de sɔm mayl frɔm Pamelap usay di Siera Liɔn tarmac de stɔp akɔdin to di GPS ɛn di map fɔ Siera Liɔn), Pamelap (we min se nɔ shem na Temne) , Ggalamuya (we min gridi na Temne), Rogberay (we min wan patikyula tik wit slip jus na Temne) ɛn rayt akɔdin to di big scarcies riva na di lɔwa strim ɛn Kolenten Riva na di ɔpa strim ɛn to Kambia Taun.