Wp/kri/Pasifik Oshɔn

Di Pasifik Oshɔn na di big wan ɛn dip wan pan di fayv osean divishɔn dɛn na di wɔl. I de frɔm di Aktik Oshɔn na di nɔt to di Sawt Oshɔn (ɔ, dipen pan di difinishɔn, to Antaktika) na di sawt, ɛn i gɛt di kɔntinɛnt dɛn na Eshia ɛn Oshɛnia na di wɛst ɛn di Amɛrika dɛn na di ist.

Na 165,250,000 skwea kilomita (63,800,000 skwea mayl) in eria (as dɛn difayn am wit wan sawt Antaktik bɔda), dis big divishɔn na di Wɔl Oshɔn ɛn di haydrosfia kɔba lɛk 46% pan di wɔl in wata ɛn lɛk 32% pan in ɔl sɔfa eria, we big pas di wan ol land eria na di wɔl we dɛn jɔyn 148,000,000 km2 (57,000,000 sq mayl).[1] Di sɛntrɔm dɛm fɔ ɔl tu di Wata Ɛmisfya ɛn di Wɛstɛn Ɛmisfya, ɛn bak di osean pol we nɔ izi fɔ go de na di Pasifik Oshɔn. Oshכn sirkulεshכn (we di Coriolis ifekt kכz) de sכbdivayd am[2] to tu big indipεndεnt volyum dεm fכ wata we de mit na di ekweta, di Nɔt Pasifik Oshכn εn di Sawt Pasifik Oshכn (ɔ mכr lכs di Sawt Si dεm). Di Pasifik Oshɔn kin sheb bak infɔmal wan bay di Intanɛshɔnal Deyt Layn to di Ist Pasifik ɛn di Wɛst Pasifik, we de alaw am fɔ sheb am mɔ to 4 kwata, dat na di Nɔt-Ist Pasifik we de nia di kɔst dɛm na Nɔt Amɛrika, di Sawt Is Pasifik we de nia Sawt Amɛrika , Nɔt Wɛst Pasifik nia Fa Istan Eshia, ɛn di Sawt Wɛst Pasifik we de rawnd Oshɛnia.

Di minin dip na di Pasifik Oshɔn na 4,000 mita (13,000 fit).[3] Chalenj Dip insay di Mariana Trench, we de na di nɔt-wɛst pat na di Pasifik, na di say we dip pas ɔl na di wɔl, we dip 10,928 mita (35,853 fit).[4] Di Pasifik gɛt bak di say we dip pas ɔl na di Sawt Ɛmisfya, di Ɔrayzin Dip na di Tonga Trench, we gɛt 10,823 mita (35,509 fit).[5] Di tɔd ples we dip pas ɔl na di wɔl, we na di Sirena Dip, de bak na di Mariana Trench.

Di wɛst pat na di Pasifik gɛt bɔku big big marginal si dɛm, lɛk di Filipin Si, Sawt Chaina Si, Ist Chaina Si, Si ɔf Jepan, Si ɔf Ɔkhotsk, Bɛring Si, Galf ɔf Alaska, Ma de Grau, Tasman Si, ɛn di Kɔral Si.