Wp/kri/Mohamed Juldeh Jalloh

Mohamed Juldeh Jalloh (bɔn 1970) na wan pɔlitiksman na Siera Liɔn ɛn na di vayz prɛsidɛnt fɔ Siera Liɔn naw frɔm 4 Epril 2018. Jalloh na pɔlitikal sayɛnsman, biznɛsman ɛn fɔma Yunaytɛd Neshɔn ɔfisa.[1] Jalloh na wan sinia memba fo di Sierra Leone Pipul Pati.

Jalloh bin gɛt bachelor digri pan pɔlitikal sayɛns frɔm Fourah Bay Kɔlej, Masta digri pan pɔlitikal sayɛns frɔm di Yunivasiti ɔf Ibadan na Ibadan, Nayjiria; ɛn dɔktɔ digri frɔm di Yunivasiti ɔf Bɔdo na Bɔdo, Frans.[1] Jalloh sabi bɔku langwej dɛn lɛk Inglish ɛn Frɛnch.

Jalloh na pɔlitiks sayɛnsman pan in wok, ɛn i bigin fɔ wok fɔ di Yunaytɛd Neshɔn insay 2000, we i bin de wok as program ɔfisa na di Yunaytɛd Neshɔn mishɔn na Kɔsova. I dɔn wok bak as mɛmba fɔ di bɔd fɔ sinia advaysa dɛn na di Yunaytɛd Neshɔn stebilizayshɔn mishɔn na Mali ɛn di Sahel rijɔn.

Dɛn bin nominate am fɔ bi prɛsidɛnt rɔnin mɛt fɔ Julius Maada Bio insay di Siera Liɔn prɛsidɛnt ilɛkshɔn fɔ 2018,[2] we dɛn win insay wan rɔn-ɔf.[3]

Jalloh na Muslim we de wɔship Gɔd, ɛn dɛn bɔn am ɛn mɛn am na Koidu, Kono Distrikt na di ist pat na Siera Liɔn. Im na memba fo Fula etnik grup.