Wp/kri/Julius Maada Bio
| Julius Maada Bio | |
.jpg)
| |
| Di de we dɛn bɔn am: | 12 May 1964 |
| Ples we dɛn bɔn am: | Tihun, Bonthe Distrikt, Sa Lon |
| Deti we i day: | |
| Ples we pɔsin day: | |
| Wok: | Pɔlitiksman |
Julius Maada Wonie Bio (bɔn 12 May 1964) na wan pɔlitiksman na Siera Liɔn, ɛn na di prɛsidɛnt fɔ Siera Liɔn naw frɔm 4 Epril 2018. I na brigadia we dɔn ritaia na di Siera Liɔn Ami ɛn na bin di sojaman edman fɔ di stet na Siera Liɔn frɔm 16 ia Janwari 1996 to 29 Mach 1996, insay wan soja gɔvmɛnt we dɛn kɔl di Nashɔnal Prɔvishɔnal Ruling Kaɔnsil (NPRC). As di kandidet fɔ di men oposishɔn Siera Liɔn Pipul Pati (SLPP), Bio win Samura Kamara we de na di ruling Ɔl Pipul Kɔngres (APC) insay di rɔn ɔf vot fɔ di 2018 Siera Liɔn prɛsidɛnt ilɛkshɔn wit 51.8% pan di vot to Kamara in 48.2%. Intanɛshɔnal ɛn lokal ɔbzhɔva dɛn bin deklare di ilɛkshɔn fri ɛn fayn. I tek Ɛnest Bai Koroma in ples as prɛsidɛnt.
As di men oposishon lida, Bio bin de kritik di preziden we bin de bifo am, Ernest Bai Koroma and im administreshɔn. As prɛsidɛnt, Bio dɔn tɔn bɔku pan di polisi dɛm fɔ Koroma, we i de aks fɔ kɔrɔpshɔn ɛn mismanagement fɔ di kɔntri in trɔs, ɛn di tu man dɛn nɔ kin tɔk to dɛnsɛf. Wan tu big big gɔvmɛnt ɔfisa dɛn we de ɔnda di fɔma prɛsidɛnt Koroma, dɔn arɛst di Siera Liɔn Polis ɛn di Siera Liɔn Ministri fɔ Jɔstis ɔnda prɛsidɛnt Bio dɔn kɔndɛm dɛn fɔ chaj we gɛt fɔ du wit kɔrɔpshɔn, we inklud di fɔma Faynɛns Minista ɛn 2018 APC prɛsidɛnt kandidet Samura Kamara we lɔs di 2018 prɛsidɛnt ilɛkshɔn fɔ Bio. [[Category:Wp/kri/Bayografi