Wp/kri/Joj Weah

George Tawlon Manneh Oppong Ousman Weah (/ˈwiːə/; bɔn 1 Ɔktoba 1966)[5] na Laybirian pɔlitiksman ɛn fɔma pɔshɔnal futbɔla we na di prɛsidɛnt we de naw na Laybiriya, we dɔn wok na ɔfis frɔm 2018. Bifo dɛn ilɛkt am fɔ bi prɛsidɛnt, Weah bin wok as Sɛnatɔ frɔm Mɔntsɛrado Kaonti. I bin ple as straika insay in bɔku bɔku 18 ia prɔfɛshɔnal futbɔl wok, we bin dɔn insay 2003.[6] Bɔku tɛm dɛn kin tek am se na wan pan di big big pleya dɛn we dɔn ɛva ple.[7] Weah na di fɔs Afrikan fɔma prɔfɛshɔnal futbɔla we bi edman fɔ stet.[8]

Afta i bigin in wok na in yon kɔntri Laybiriya, Weah spɛn 14 ia fɔ ple fɔ klab dɛn na Frans, Itali ɛn Ingland. Arsène Wenger bin bring am fos fo Yurop, im sain am fo Monaco fo 1988. Weah muv go Paris Saint-Germain fo 1992 wia dem win di Ligue 1 fo 1994 and bi di top skora fo di 1994–95 UEFA Champions League. I bin sain fɔ AC Milan insay 1995 usay i spɛn 4 saksesful sizin, ɛn i win di Serie A tu tɛm.[9] Im muv to di Premier Lig to di en of im kariera and im bin spel fo Chelsea and Manchester City, im win di FA Cup fo di foma, bifo im kom bak fo France to ple fo Marseille fo 2001. Im end im kariera wit Al Jazira fo 2003. FourTwo bin nem Weah wan pan di bɛst pleya dɛn we nɔ ɛva win di UEFA Champions Lig.[10]

Weah bin ripresent Laybiriya fo intanashona levul, im win 75 kap and skor 18 gols fo im kontri and im ple fo di Afrikan Cup of Nations tu taims. Im bin ple intanashona frenli tu fo 2018, wia im nomba 14 jersey bin ritaia. Dɛn tek am se na wan pan di bɛst pleya dɛn we nɔ ɛva ple na di Wɔl Kɔp,[11][12] Skɔt Mɔri insay di Gadian tɔk bɔt Weah as "hamstrung by hailing from a global minnow".[13]

Bɔku pipul dɛn bin de si am as wan pan di big big Afrikan pleya dɛn ɔl tɛm, insay 1995, dɛn bin pik Weah as FIFA Wol Plɛya fɔ di Ia ɛn i bin win di Ballon d’Or, ɛn i bi di fɔs ɛn di wan ol pleya we win dɛn award ya we i bin de ripresent wan Afrika kɔntri intanashɔnal. Insay 1989, 1994 ɛn 1995, dɛn bin pik am bak as di Afrikan Futbɔla fɔ di Ia, ɛn insay 1996, dɛn bin pik am fɔ bi di Afrikan Plɛya fɔ di Sɛntinari. Weah bin sabi am fɔ in aksilarayshɔn, spid, ɛn driblin abiliti, apat frɔm in golskɔring ɛn finish, FIFA bin tɔk bɔt Weah as "di prɛkursɔ fɔ di mɔlti-fɔnshɔnal strayk dɛm tide".[14] Insay 2004, Pelé bin put in nem pan di FIFA 100 list fɔ di big big pleya dɛn we de alayv na di wɔl.[15]

Weah bin bigin fɔ put an pan pɔlitiks na Laybiriya afta i ritaia frɔm futbɔl. I bin mek di Kɔngres fɔ Dimɔkrat Chenj ɛn i nɔ bin win fɔ bi prɛsidɛnt insay di 2005 ilɛkshɔn, ɛn i lɔs to Ɛlin Jɔnsin Sirlif insay di sɛkɔn raun fɔ vot. Insay di 2011 ilɛkshɔn, i bin rɔn fɔ vayz prɛsidɛnt wit Winston Tubman ɛn i nɔ bin win. Afta dat, dɛn bin pik Weah fɔ bi di Laybirian Sɛnat fɔ Mɔntsɛrado Kaonti insay di 2014 ilɛkshɔn. Weah bin bi Prɛsidɛnt fɔ Laybiriya insay di 2017 ilɛkshɔn, i win di vayz prɛsidɛnt we de naw, Josɛf Boakai[16][17] ɛn i bin swɛ in pan 22 Janwari 2018.