Wp/kri/Bantu langwej dɛn

Di Bantu langwej dɛm (Inglish: UK: /ˌbænˈtuː/, US: /ˈbæntuː/ Proto-Bantu: *bantʊ̀)[1][2] na wan langwej famili we gɛt lɛk 600 langwej dɛm we di Bantu pipul dɛm na Sɛntral, Sawt, Ist ɛn Sawt Is Afrika. Dɛn de mek di big branch pan di Sawt Bantoid langwej dɛn. di totכl nכmba fכ Bantu langwej dεm dεn εstimat bitwin 440 εn 680 difrεnt langwej dεm, dipכnt pan di difinishכn fכ "langwej" vεrs "dialekt".[3] Bɔku Bantu langwej dɛn kin lɛnt wɔd dɛn frɔm dɛnsɛf, ɛn sɔm kin ɔndastand dɛnsɛf.[4] Sɔm pan di langwej dɛn na smɔl pipul dɛn de tɔk, fɔ ɛgzampul dɛn bin tɔk se na 8500 pipul dɛn nɔmɔ de tɔk di Kabwa langwej insay 2007 bɔt dɛn bin asɛs am se na difrɛn langwej.[5] di tכtal nכmba fכ di pipul dεm we de tok Bantu na arawnd 350 miliכn insay 2015 (lεk 30% pan di pipul dεm na Afrika כ 5% pan di pipul dεm na di wכl).[6] Dɛn kin tɔk bɔku pan di Bantu langwej dɛn na di sawt-ist pat na Kamɛrun, ɛn ɔlsay na Sɛntral, Sawt, Istan, ɛn Sawt Is Afrika. Na lɛk wan pat pan siks pan di pipul dɛn we de tɔk Bantu, ɛn wan pat pan tri pan di pipul dɛn we de tɔk Bantu langwej, de na di Dimokratik Ripɔblik fɔ Kongo. Di Bantu langwej we pipul dɛn de tɔk pas ɔl bay di nɔmba fɔ di pipul dɛn we de tɔk am na Swahili, wit 16 milyɔn pipul dɛn we de tɔk dɛn yon langwej ɛn 80 milyɔn pipul dɛn we de tɔk L2 (2015).[7] Bɔku pan di pipul dɛn we de tɔk Swahili dɛn yon langwej de na Tanzania, usay na nashɔnal langwej, we as sɛkɔn langwej, dɛn de tich am as sɔntin we pɔsin fɔ du na bɔku skul dɛn na Is Afrika, ɛn na langwej we di Ist Afrika Kɔmyuniti de tɔk. Ɔda men Bantu langwej dɛn na Lingala we gɛt pas 20 milyɔn pipul dɛn we de tɔk (Kongo, DRC), Zulu we gɛt 12 milyɔn pipul dɛn we de tɔk (Sawt Afrika), Xhosa we gɛt 8.2 milyɔn pipul dɛn we de tɔk (Sɔt Afrika ɛn Zimbabue), ɛn Shona we nɔ rich 10 milyɔn pipul dɛn we de tɔk (if Manyika ɛn Ndau de insay), we di Sɔto-Tswana langwej dɛn (Sotho, Tswana ɛn Pedi) gɛt pas 15 milyɔn pipul dɛn we de tɔk am (ɔlsay na Bɔtswana, Lɛsoto, Sawt Afrika, ɛn Zambia). Zimbabue gɛt pipul dɛn we de tɔk Kalanga, Matebele, Nambiya, ɛn Xhosa.[8][9] Ethnolog de separet di big wan dɛm we dɛn kin ɔndastand dɛnsɛf Kinyarwanda ɛn Kirundi, we togɛda gɛt 20 milyɔn pipul dɛm we de tɔk.[10]