Wp/kri/2024 Haneda Aypɔt rɔnwe kɔlishin

Na 2 Janwari 2024, wan rɔnwe kɔlishin bin apin na Haneda Aypɔt na Tɔkyo, Jepan, bitwin wan Airbus A350-900, we bin de ɔpreshɔn Japan Aylayns Flayt 516 (JAL516), ɛn wan De Havilland Kanada Dash 8-Q300 we di Japan Kost Gɔd bin de ɔpreshɔn. We JAL516 bin de land na di aypɔt, i bin kɔlchɔ wit di Kost Gɔd plen na di rɔnwe ɛn ɔl tu di plen dɛn bin gɛt faya.[2][3][4][5] Fayv pan di siks kru we bin de insay di Dash 8 bin day insay di kɔlishin, ɛn na di kapten nɔmɔ bin sev. Ɔlman we bin de insay di A350 bin sev.[6][7][8] JAL516 na bin scheduled domestik pasenja flayt frɔm Nyu Chitose Aypɔt nia Sapporo, Japan, to Haneda Aypɔt na Tɔkyo, ɛn di Kost Gɔd plen bin de pan rilif mishɔn fɔ ansa di 2024 Noto atkwek we bin dɔn apin di de bifo. Di kolishon bin mek faya bɔn we bin pwɛl ɔl tu di plen dɛn.[9][10] Na bin di fɔs big aksidɛnt ɛn hul we Japan Aylayns bin lɔs sins Flayt 123 insay 1985,[11][10] ɛn bak na bin di fɔs big aksidɛnt ɛn hul we wan Airbus A350 lɔs.