Jump to content

Wp/kri/2018 Winta Olimpik gem dèn

From Wikimedia Incubator
< Wp‎ | kri
Wp > kri > 2018 Winta Olimpik gem dèn

Di 2018 Winta Olimpik (Korian: 2018년 동계 올림픽, romanized: Icheon sip- nyeon Donggye Ollimpik), ɔfishal wan na di XXIII Olimpik Winta Gem (French: Les XXIIIes Jeux olympiques d'hiver;[not 2] Korian: 제23회 동 올림픽, romanized: Jeisipsamhoe Donggye Ollimpik) ɛn dɛn kin kɔl am bak PyeongChang 2018 (Korean: 평창2018, romanized: Pyeongchang Icheon sip-pal), na bin wan intanashɔnal winta mɔlti-spɔt ivin we dɛn bin gɛt bitwin 9 ɛn 25 Fɛbwari 2018 na Pyeongchang, Sawt Koria, wit di opin raun fɔ sɔm ivintɛns dɛn we dɛn bin gɛt 8 Fɛbwari, wan de bifo di opin sɛrimɔni.

Dɛn bin pik Pyeongchang fɔ bi di siti we go gɛt di 2018 Winta Gem dɛn na di 123rd IOC Sɛshɔn na Durban, Sawt Afrika insay Julay 2011. Dis na di sɛkɔn tɛm we Sawt Koria bin gɛt di Olimpik Gem dɛn (bikɔs dɛn bin dɔn ɔganayz di 1988 Sɔma Olimpik gem dɛn na Siul bifo) , ɛn bak di fɔs tɛm we i bin gɛt di Winta Olimpik gem dɛn. Di 2018 Gem na di tɔd tɛm we wan kɔntri na Eshia bin gɛt di Winta Olimpik gem dɛn, afta Sapporo 1972 ɛn Nagano 1998, dɛn ɔl tu bin de na Jepan. I bin bi bak di fɔs Winta Olimpik gem dɛn we dɛn bin gɛt na menlan Eshia, ɛn di fɔs wan pan tri kɔnsɛkutiv Olimpik Gem dɛn we dɛn bin gɛt na Is Eshia, bifo di Tɔkyo 2020 Sɔma Olimpik gem dɛn na Jepan ɛn di Beijing 2022 Winta Olimpik gem dɛn na Chaina.

Di 2018 Gem dɛn bin gɛt 102 ivintɛns dɛn ova 15 disiplin dɛn, we na wan rɛkɛd nɔmba fɔ ivintɛns fɔ di Winta Gem dɛn. Dis na di fɔs edishɔn insay Winta Olimpik Gem istri we gɛt pas 100 medal ivin dɛm, 4 pan dɛm bin mek dɛn fɔs Olimpik gem insay 2018: "big ɛya" snobɔd, mas stat spid sket, miks dabl kɔl, ɛn miks tim alpayn ski. Na 2,914 atlet dɛn frɔm 93[note 1] tim dɛn bin kɔmpit, wit di nashɔnal debut dɛn na Ɛkwado, Ɛriteria, Kɔsovo, Malezya, Nayjiria ɛn Singapɔ.

Afta we dɛn bin pul wan doping program we di stet bin spɔnj afta di 2014 Winter Olympics, dɛn bin stɔp di Rɔshian Olimpik Kɔmiti, bɔt dɛn bin alaw di atlet dɛn we dɛn bin dɔn pik fɔ kɔmpit nyutral wan ɔnda di spɛshal IOC nem we na "Olympic Athletes from Russia" (OAR), provid dɛn kin mit sɔm anti-doping rikwaymɛnt dɛn. Nɔt Koria bin gri fɔ tek pat pan di Gem pan ɔl we dɛn gɛt prɔblɛm wit Sawt Koria. Di tu neshɔn dɛn bin parade togɛda na di opin sɛrimɔni as wan yunifayd Koria, ɛn dɛn fild wan yunifayd tim (COR) insay di uman dɛn ays ɔki.

Sawt Koria bin de na di nɔmba sɛvin ples ɔlsay na di 2018 Winter Games, wit fayv gold medal ɛn 17 ɔvala medal. Sawt Koria bin dɔn bi kɔntri we bin de win bɔku medal dɛn pan shɔt trak spid sket, bɔt insay dis kɔmpitishɔn, dɛn bin win medal dɛn bak pan skel rɛsin, kɔl ɛn ski. Yun Sung-Bin we kɔmɔt Sawt Koria bin win gold medal pan man dɛn skel rɛsin, we na di fɔs Olimpik gold we Eshia ɛva win na di slɛdin ivent. Norway bin lid di totɛl medal tally wit 39, dɔn Jamani wit 31 ɛn Kanada wit 29.[1] Jamani ɛn Nɔwe bin tay fɔ di ays nɔmba fɔ gold medal, dɛn ɔl tu win 14.