Wp/kjp/၂၀၂၀ဏိင်းပါင် ကိုဝ်မိင်ကိုဝ်စိင်ၜုံးလုဲႋတာ် မ်ုၜးဖှ်ေလင့်မာဲ ကျံင်းဖၠံင်အ်ုဆင့်
၂၀၂၀ဏိင်းပါင် ခါန်ႋမျေန်မာကိုဝ်မိင်ကိုဝ်စိင်ၜုံးလုဲႋတာ်ယိုဝ် လ်ုယိက်လ်ုမဝ့် မ်ုဒှ်လင်ဝေ့ဆေဝ်ႋလှ်။ မ်ုၜးဖှ်ေလင့်မာဲအ်ုကျံင်အ်ုဖၠံင်ဏှ်လ်ုဆင့်လ်ုဆင့် ယောဝ်ႋဖှ်ေလာႋဆာ်။
ၮ်ုၜးဖှ်ေလင့်မာဲ အှ်ဝေ့ဍးသိုင့်ၜၠင်[edit | edit source]
ဂမၠိုင်ႋၜၠင်းဍောဟ် - အ်ုခေါဟ်ကၠာအ်ုယံင့်ယေဝ့်မာဲခဝ့်ၮှ် ၮ်ုဆ်ုအှ်သာမာဲဆူ့လင်ဖှ်လောႋဆာ်။ ဆိုဒ်ဖေါဟ်ၜၠင်းဍောဟ် - အ်ုခေါဟ်ကၠာအ်ုယံင့်လာ့မာဲခဝ့်ၮှ် ၮ်ုဆ်ုအှ်သာမာဲဆူ့လင်ဖှ်ေလာႋဆာ်။ ကၞင့်ၜၠင်းဍောဟ် - အ်ုခေါဟ်ကၠာအ်ုယံင့်ၰင်သးသာမာဲခဝ့်ၮှ် ၮ်ုဆ်ုအှ်သာမာဲဆူ့လင်ဖှ်လေလာႋဆာ်။
ၰါင့်ၰံင်မာဲဆ်ုအှ်သာဆာႋၮှ် ခါန်ႋ၁ိုဒ်ဖေါဟ်ၯံင်ခေဝ်က်ုဆာႋအ်ုၯင်ႋ ဖှ်ေလင့်မာဲဆ်ုၮေဝ်ႋသာ့အေပါ့ဆာ်ၜိုဝ် - အ်ုခေါဟ်ကၠာအ်ုယံင့်ၰင်သးသာမာဲခဝ့်ၮှ် ၮ်ုဆ်ုအှ်သာမာဲဆူ့လင်ဖှ်ေလာႋဆာ်။
လ်ုၮ်ုၜးသာ ၯံင်ခေဝ်က်ုဆာႋလ်ုၯာၮှ် လုဲႋၮေဝ်ႋဖှ်ေၯံင် လ်ုမာဲၜိင်းဖိုင် ထီ့ဆာၯေဝ်အွာ လ်ုၜၠင်လဝ့် ၜးဍောဟ်ဏါင်းလင် ထီ့ထီ့ဆာဆာ ၜးသ္တာ်ဆေဝ်ႋလှ်။
မာဲရုံႋဖိုင်မ်ုနုက်လင်အ်ုၯင်ႋ[edit | edit source]
လ်ုမာဲမေံယာ့အိုဝ် လ်ုမာဲစ်ုရင့်ဖိုင် မာဲစ်ုရင့်အ်ုၮါင်းၮှ် အင်းၰူ့ဖှ်ေလာႋဆာ်။
ဍေၰါင်ႋၰံင် မာဲဆ်ုအှ်သာဆာႋသယ်ၮှ် ၆ ထိုင်အ်ုယါင် ၜးအှ်ဖှ်ေၮှ် သ္တာ်ဖှ်ေဆာ်။
ၮါ့ဍေနိုဝ်ၮှ် ဍေ Mask ထီ့ထီ့ဆာဆာ ကါၜါ်ဖှ်ေလာႋဆာ်။
လ်ုၮှ်စူးၮှ် သီးကေဝ်ထီ့ မါၮါင်းထးအှ်လ်ုအှ် မာဲရုံ့အ်ုမေံယာ့ မာဲရုံႋအ်ုဝီးၜါ်ဆာႋၮှ် ဍုဂ်ၮဲဖှ်ေလာႋဆာ်။
ၮင့်ဆာႋအ်ုကျးလ်ုဍုဂ်ပါင်ၜးဆာႋဍေ ဆ်ုမာၜိုဝ်မာဆိုင် မ်ုၜးလောဝ့်အှ် မာဲဆ်ုအှ်သာဆာႋ အေသံင့်လင်ခါ့ ၜးပၠယ်တဝ်ၮေဝ်ႋၯံင် မာၜိုဝ်ဖှ်ေလာႋဆာ်။
အင်းမာၮေဝ်ႋ၊ ဍောဟ်ၮါင်းဖှ်ေဍေ ဖှ်ေလင့်မာဲဆ်ုအှ်သာ[edit | edit source]
(၁) ဆၟိုဝ်ဖှ်ေလာႋဆာ်မာဲရုံႋဖိုင် မာဲဆ်ုအှ်သာစ်ုရင့်ခဝ့် ကေဝ်လင်စူးၮါင်းအ်ုၯင်ႋ သီးကေဝ်ၜံင်ၮှ် ၯယ့်ဆောတ်ဖှ်ေလာႋဆာ်။ လ်ုၯယ့်ဆောတ်ၜးလာၮင့်သီး မာဆိင့်ထး သီးကေဝ်ၜံင်ၮှ် ကေဝ်လင်စူးၮါင်းၮေဝ်ႋဆေဝ်ႋလှ်။
၂။ ထုဂ်ထင်းလာႋ မာဲၜိင်းလေဝ်အင်းမာၮေဝ်ႋခါ့ ဆ်ုအှ်သာမာဲၜိင်းဖိုင် ကေဝ်လင်ဖှ်ေလာႋစူးၮါင်းဆါ်။ ဂမၠိုင်ႋၜၠင်းဍောဟ်အ်ုၯင်ႋ မာဲၜိင်းၮှ် ထုဂ်ထင်းလာႋဆာ်။
၃။ ဍောဟ်ၮါင်းလာႋဆာ် - ဆ်ုအှ်သာမာဲၜိင်းၮှ် ၜီးၜါ်အှ်ဍောဟ်ၮါင်းလင်အိုဝ် လ်ုၮ်ုမ်ုဖှ်ေၜးသာ ၯံင်ခေဝ်က်ုဆာႋၮှ် လ်ုၜၠင်လဝ့် ဍောဟ်ၮါင်းဖှ်ေၯံင် ဖှ်ေလင့်လာႋမာဲဆာ်။
၄။ ဆူ့ဖှ်ေလာႋမာဲဆာ် - ၮ်ုမာဲၜိင်းၮှ် ၜိုဝ်ခါ့ဖှ်ေၯံင် လ်ုမာဲခဝ့်ဖိုင် ဆူ့လင်ၮင်ထီးဆါ်။
၅။ ၮင်ၜၠင်ဍဝ် - ဆိုဒ်ဖေါဟ်ၜၠင်းဍောဟ်ဍေ ခါန်ႋကါင်ဖါဍေ ကၞင့်ၜၠင်းဍောဟ်ၮှ် ၜေ့အ်ုဖင့်ခေါဟ်အင်းကှ်ေလင်ထးၮှ် အ်ုဆင့် (၁) ထံင်ၯးစိုဝ်၊ အ်ုဆင့် (၃) သိုဝ် ဖှ်ေလင့်ထါင်ဆ်ုအှ်သာ မာဲၮင်ႋထီးဆာ်။ အေမွာဲခါန်ႋဆိုဒ်ဖေါဟ်ၮှ် ခါန်ႋဆိုဒ်ဖေါဟ်ၯံင်ခေဝ်အ်ုၯင်ႋ ဆူ့လင်ဖှ်ေထါင်ၮင်ႋထီးဆာ်။
၆။ ဖှ်ေလင့်မာဲအေၯံင်ၮှ် သီးကေဝ်ထီ့ လေဝ်ထိုဝ်ဖှ်ေလာႋဆာ်။ စူးၮှ် အင်းသီ့ယာလာႋအေဆိင့်။ စဲကိုင့် ၃၀ အ်ုယိက်အင်းခိုဝ်ဖှ်ေလာႋဆာ်။ အေၯံင်ၮှ် ၮ်ုစူးဆေဝ့် စူးဍီၜံင်ၮှ် ခွီၮါင်းလာႋဆာ်။ အေၯံင်ၮှ် လ်ုမာဲရုံႋခံင့်အိုဝ် စါင်းထင်းလာႋဆာ်။
၇။ အ်ုခါ့ယိုဝ် ၮ်ုဖှ်ေလင့်မာဲၯံင်ယုဂ်ဆေဝ်ႋလှ်။
ထံင်ၮါင်းလာႋဆာ်။ ။ လ်ုၮ်ုမ်ုဖှ်ေလင့်ၜးသာ ၯံင်ခေဝ်က်ုဆာႋအ်ုၮါင်ၰံင်ၮှ် ဍောဟ်ၮါင်းဖှ်ေၯံင် ဖှ်ေလင့်လာႋဆာ်။ ကါလာလ်ုဖှ်ေလင့်ခါ့ ဆ်ုအှ်သာမာဲၜိင်း အေၯာၯံင်ၮှ် ဆ်ုအှ်သာမာဲၜိင်းအ်ုသင့် အင်းကိင်ထင်းၮေဝ်ႋဆေဝ်ႋလှ်။
တုဂ်ဏေဝ်ႋအ်ုဍံင်[edit | edit source]
 လ်ုဍုဂ်ပါင်လိက်သါထိင်ႋယိုဝ် ဆူ့ဏဲဖၠဟ်ၰိုဲ ၮေဝ်ႋသာ့ဆ်ုလှ်။ အေမွာဲမာၜိုဝ်မာဆိုင်ၜးသာ ဝီႋကေဝ်ပီဍီယာႋဆါ်ၜိုဝ် ဆူ့ထါင်ပါင်လာ ထံင်ႋအ်ုလင်ႋယိုဝ်ၮ်ှလှ်အိုဝ်.
|