Wp/kjp/ဟ်ုမူးၜးဏေဝ်ႋ ပိုင်ဌာန့်အ်ုၯါင်ႋ

From Wikimedia Incubator
< Wp‎ | kjpWp > kjp > ဟ်ုမူးၜးဏေဝ်ႋ ပိုင်ဌာန့်အ်ုၯါင်ႋ

ရုံႋစိုင်ပ္ကုံထင်းၮေဝ်ႋဝေ့ အ်ုဖူ့အ်ုဍံင်း System အ်ုဖူ့အ်ုဍံင်းသယ်ၯံင် ဟ်ုမူးဍေဖေါဟ်သးသယ်လ်ုဖး ဆ်ုက်ုဝင်ပ်ုဍံင်ဆိုင့် အ်ုဖူ့အ်ုဍံင်း ဖင့်လက်ုလုံ့အ်ုဖူ့ၮီ့ဖူ့ၮှ် အင်းတါင်မာဖှ်ေဝေ့လှ်။ အှ်သီးၮှ်မွာဲဝေ့ဍး ဆ်ုက်ုဝင်ပ်ုဍံင် ဖေါတ်ထိုဲ့ ဖေါတ်သးသယ်လ်ုဖးအ်ုဖူ့ ဍေဆ်ုက်ုဝင်ပ္ဍင်ဖေါတ်ထိုဲ့ ဟ်ုမူးၜးဆါင့်ဍေပညာ့က်ုလုံ့အ်ုဖူ့ယိုဝ် အ်ုၯာင်ႋဖၠဟ်ထင်းထ္ၜါ ၜိုဝ်က်ုလုံ့သယ် မာက်ုလုံ့အ်ုဆိုင့်အ်ုထဝ်ႋ ၯံင်လာႋၮင့်သီး အှ်ထဝ်ႋထါင်ဝေ့ၯံင် ၂၀၁၀ၮိင်း ၮိင်းအ်ုဆေါဝ့်ခါ့ ကေဝ်လင်ဟ်ုမူးသယ် ဆ်ုထင်းထဝ့်စီကြာအ်ုၯင်ႋ ဆိုဒ်ဖေါဟ်အ်ုဆင့် ၜျူဟာဍောဟ်ဆ်ုထေါဟ်စိုဝ် အ်ုခၠူ့ခါ့ဖှ်ေလင့်မာၜိုဝ်ဖှ်ေလာႋ ပညာ့သၞေါဝ့်ၮှ်ယေါဝ်မၞီ့ႋလေါဒ်ႋလါ ခေါဟ်လေင်ႋဌာန့်ဝေ့ အင်းကိင်ဆ်ုမိတ္တာအ်ုခေါဟ်ကျံင် ကျာဍိင်နုက်လင်ဆူ့ကေဝ်ၜးဆေဝ်ႋမွာဲၜိုဝ်လှ်။

ဟ်ုမူးသယ်အ်ုဖင့်ခေါဟ် ဆ်ုကါင်ဖါဆ်ုၜုဂ်ၰာသယ်လ်ုဖး ၜေ့မ်ုလင်မာႋသိုဝ် ထီ့ခါန်ႋဆုက်ဆုက် သာလင်ဖၠိုတ်လိက်ချုဂ် စီဍဟ်ဝေ့ဍးယိုဝ်ၰိုဲႋကၞင့်အှ် ဟ်ုမူးသယ်အ်ုဖင့်ခေါဟ် ဆ်ုကါင်ဖါၜုဂ်ၰာ ၜေ့မ်ုလင်မာႋ ဍေမ်ုမာထင်းထဝ့်ထင်း ဟ်ုမူးသယ်မ်ုၜးၮေဝ်ႋအ်ုၯင်ႋ လ်ုထီ့ခါန်ႋသယ်ခဝ့် မ်ုၜးလံင်မာပျ ခါန်ႋဆုက်ဆုက်ဥပ​ဒေ ဆ်ုၮဲဖၠဟ်ဆေဝ်ႋလှ်။ စီဍဟ်ယိုဝ် ဟ်ုမူးသယ်ဝေ့ မ်ုၜးၮေဝ်ႋအ်ုၯင်ႋ မွာဲခါန်ႋဆုက်ဆုက်သယ်ဝေ့ အ်ုထေါဟ်လ်ုမိင်လှ်ၮှ် လဝ်ၮဲပျထင်းဝေ့ဍး ကၠ်ုကၠ်ုလှ်။ စီဍဟ်ဝေ့ယိုဝ် ကုလသမဂ္ဂခါန်ႋပ္ကုံခဝ့် ထုံႋဍိုဝ်ၮေဝ်ႋဝေ့လ်ု (၁၉၇၉)ၮိင်း၊ လာဍီဇေန်ၜါ (၁၈)သင့်ခါ့ယုဂ်ၮှ်လှ်။ ထံင် (၂၀၁၆)ၮိင်းအ်ုခါ့ၮှ် စီဍဟ်ခါန်ႋအှ်ထင်းဝေ့ (၁၈၉)ခါန်ႋ ဆေဝ်စူးၮါင်း မာၯုင်ႋခိုင့်ဝေ့ယုဂ်လှ်။

ဟ်ုမူးသယ်အ်ုဖင့်ခေါဟ် ဆ်ုကါင်ဖါဆ်ုၜုဂ်ၰာသယ်လ်ုဖး ၜေ့မ်ုလင်မာႋသိုဝ် ထီ့ခါန်ႋဆုက်ဆုက် သာလင်ဖၠိုတ်လိက်ချုဂ် စီဍဟ်ဝေ့ဍးယိုဝ်ၰိုဲႋကၞင့်အှ် ဟ်ုမူးသယ်အ်ုဖင့်ခေါဟ် ဆ်ုကါင်ဖါၜုဂ်ၰာ ၜေ့မ်ုလင်မာႋ ဍေမ်ုမာထင်းထဝ့်ထင်း ဟ်ုမူးသယ်မ်ုၜးၮေဝ်ႋအ်ုၯင်ႋ လ်ုထီ့ခါန်ႋသယ်ခဝ့် မ်ုၜးလံင်မာပျ ခါန်ႋဆုက်ဆုက်ဥပ​ဒေ ဆ်ုၮဲဖၠဟ်ဆေဝ်ႋလှ်။ စီဍဟ်ယိုဝ် ဟ်ုမူးသယ်ဝေ့ မ်ုၜးၮေဝ်ႋအ်ုၯင်ႋ မွာဲခါန်ႋဆုက်ဆုက်သယ်ဝေ့ အ်ုထေါဟ်လ်ုမိင်လှ်ၮှ် လဝ်ၮဲပျထင်းဝေ့ဍး ကၠ်ုကၠ်ုလှ်။ စီဍဟ်ဝေ့ယိုဝ် ကုလသမဂ္ဂခါန်ႋပ္ကုံခဝ့် ထုံႋဍိုဝ်ၮေဝ်ႋဝေ့လ်ု (၁၉၇၉)ၮိင်း၊ လာဍီဇေန်ၜါ (၁၈)သင့်ခါ့ယုဂ်ၮှ်လှ်။ ထံင် (၂၀၁၆)ၮိင်းအ်ုခါ့ၮှ် စီဍဟ်ခါန်ႋအှ်ထင်းဝေ့ (၁၈၉)ခါန်ႋ ဆေဝ်စူးၮါင်း မာၯုင်ႋခိုင့်ဝေ့ယုဂ်လှ်။

လ်ုလင်ခါင့် အ်ုၯာင်ႋအ်ုစံင်း[edit | edit source]

ကေဝ်ၜျူဟာဍောဟ်ဆ်ုထေါဟ်စိုဝ် အ်ုခၠူ့က်ုလုံ့အ်ုဖူ့ၮှ် ယေါဝ်မၞီႋလေါဒ်ႋလာခေါဟ်လေင်ႋဌာန့်၊ ယေါဝ်မၞီႋလေါဒ်ႋလာ၊ ဆ်ုထ္ၜါဍေခၠိုဝ်လင်ႋ တာဍောဟ်ဌာန့်၊ မာဟ်ုမူးအ်ုၯင်ႋခါန်ႋဍွယ် ခါန်ႋခၠုံ့လ်ုမွာဲ ဆ်ုပိုင်ကြိုင် အ်ုဖူ့အ်ုဍံင်းလ်ုဖး ကုလသမဂ္ဂဆိုဒ်ပ္ကုံအ်ုဖင့်လ အ်ုဍံင်းအ်ုဖူ့သယ်ဝေ့ အ်ုဍံင်းအ်ုဖူ့ (၁၈)ဖူ့ၮှ် ပါကဲဝေ့ၯံင် ခေဝ်က်ုဆာႋၯံင် အင်းတါင်မာကဲထင်းဝေ့လှ်။

၂၀၁၀ၮိင်းဍေ ၂၀၁၃ၮိင်း သိုင့်ၮိင်းအ်ုထင်ႋဖိုင် လဝ်ထါင်ယှံင်ဆ်ုခၠါင်တဝ်ရဝ်ႋ အ်ုၜၠင် ၇၀ၜၠဲၯံင် ၜေ့မ်ုၮေဝ်ႋဆ်ုကုံးသယ်သိုဝ် လဝ်ထါင်ကုံးဖါ်ၜးဆေဝ်ႋလှ်။

ဆ်ုထေါဟ်စိုဝ်အ်ုခၠူ့ၮှ် ခိင့်ဖာဍင်းထေံထါင် တါင်ၜးထါင် အ်ုၜၠင်ၜၠင်လှ်။ ဆ်ုထေါဟ်စိုဝ်အ်ုခၠူ့ၮှ် ယေါဝ်ႋမၞီႋလေါဒ်ႋလာခေါဟ်လေင်ႋဌာန့်ဝေ့ဍး ဖ်ုရီ့ဝေ့လ်ုအ်ုၰာႋၰံင် တာဍောဟ်ဌာန့်သယ်၊ ထီ့ခါန်ႋခါန်ႋဒိုသ်ႋ ဍောဟ်အ်ုဆင့်သယ်အိုဝ်ၯံင် ဖှ်ေလင့်လာႋ ဆ်ုခိင့်ဖါအင်းၮင်ဆေဝ်ႋၮှ် မာၮေဝ်ႋဝေ့ဍး ဆ်ုကုံးသယ်ဥာၮ်သယ်လှ်။ ၜေ့ၮှ်လ်ုကါ က်ုဝင်ပ္ဍင်ဖေါတ်ထိုဲ့ ဟ်ုမူးၜးဆါင့်ဍေ ပညာ့က်ုလုံ့အ်ုဖူ့ဍေဟ်ုမူး အ်ုဍံင်းအ်ုဖူ့ဆာၰာသယ်ခဝ့်သီး အ်ုသီးဝေ့ဆာၰာဖိုင်ပါ့ အ်ုကုံရွာဲသယ်အှ်ခဝ့် ဆ်ုကုံ့ဆံင့်မံင်းသယ်ၮှ် လဝ်ထါင်ယှံင်မာၮေဝ်ႋဝေ့ဍးလှ်။

ခါန်ႋမျေန်မာ[edit | edit source]

အ်ုထါ်ၜံင် အ်ုၯာင်ႋအ်ုစံင်းလ်ုဖး[edit | edit source]

ဆိုဒ်ဖေါဟ်အ်ုဆင့်ၜျူဟာဍောဟ် ဆ်ုထေါဟ်စိုဝ်ၮှ် မျေန်မာဟ်ုမူးသယ် ၜေ့စီကြာမ်ုထင်းထဝ့်ၰိင်ဝှးသိုဝ် ပ်ုယောဟ်ဝေ့ၯံင် ဆ်ုပိုင်ကြိုင် ဆ်ုသံင်းသင့်အ်ုထါ် (၂၀၁၈)စီဍဟ်သာလင်ဖၠေါတ်လိက်ချုဂ်၊ ၜေ့ဂျေန်းက်ုလုံ့ဆ်ုထေါဟ်စိုဝ်သယ်ၮှ် ပါကဲအ်ုထါ်ၯံင် ဍေအ်ုမေဝ်ႋတိုင်က်ုလုံ့ကၞင့် (၁၂)မိင်ဏှ် ကေဝ်ထမွာဲၜိုဝ်လှ်။ ၜျူဟာဍောဟ်ဆ်ုထေါဟ်စိုဝ်ယိုဝ် ဍေခါန်ႋပ္ကုံသမ္မတ မျေန်မာထီ့ခါန်ႋဆ်ုပိုင်ကြိုင် သံင်းသင့်အ်ုထါ် (၂၀၁၈)ဖိုင်ပါ့ၮှ် လင်ဖၠေါတ်ဝေ့ၯံင် ဟ်ုမူးသယ်ဝေ့ အ်ုကျးစီကြာထင်းထဝ့်ဍေ ဟ်ုမူးသယ်ဝေ့ဍေ အ်ုသီးဝေ့ဆ်ုၜးၮေဝ်ႋၮှ် ၮေဝ်ႋဆံင်သိုင့်ၜးလာႋ ဍုဂ်ဍုဂ်ပါင်ပါင်အ်ုၯင်ႋ မ်ုဍိုဝ်ထုက် ပ်ုၰိုးၜိုဝ်ကဲဝေ့လှ်။

ဆိုဒ်ဖေါဟ်အ်ုဆင့် ၜျူဟာဍောဟ်ဆ်ုထေါဟ်စိုဝ်ယိုဝ် ၂၀၁၃ၮိင်း၊ မတ်လာဖိုင် လ်ုထိုင်ႋမျေန်မာခါန်ႋ ဟ်ုမူးအ်ုၯာင်ႋကဝ်မ်ုတီခဝ့် ၮေဝ်ႋဝေ့နုက်ဓဝ်ႋခွင်ဆ်ုပၠယ်တဝ်ၯံင် အုဂ်တိုဝ်ၜါလာ (၃)သင့်ၮှ် ဂမၠိုင်ႋသယ်အ်ုကၠာ နုက်ဓဝ်ႋခွင်ပါသှ်ေယာ့ၯံင်ကဲဝေ့ဍးလှ်။

ဆ်ုပ်ုယောဟ်လ်ုဖး[edit | edit source]

အှ်မျေန်မာခါန်ႋဖိုင် ဟ်ုမူးသယ်လုက်ဆိင့် ခါန်ႋပ္ကုံသမ္မတ​မျေန်မာဆ်ုပိုင်ကြိုင်ဝေ့ ဍေဆ်ုထ္ၜါၮှ် အ်ုကျူင်ႋၯယ့်ထဝ့်ထင်းဝေ့ၯံင် အ်ုသီးသယ်ဝေ့ ဆ်ုပိုင်ဌာန့်၊ ဆ်ုၜးၮေဝ်ႋသယ်ၜေ့မ်ုၮေဝ်ႋဍုဂ်ဍုဂ်ပါင်ပါင် ဍေဟ်ုမူးသယ်အ်ုကျး စီကြာထင်းထဝ့်အ်ုၯာင်ႋ၊ မူးခွါ့ၜေ့ထဝ့်ၯံင်သၟဝ့်သိုဲအ်ုၯါင်ႋ၊ ဍေဟ်ုမူးသယ် ဝေ့ဆ်ုပိုင်ဌာန့်သယ်ၮှ် မာၮါင်းၮ​သှ်ေထုံႋဍိုဝ်ကဲသၞေါဝ့်သယ်၊ ဆ်ုပိုင်ကြိုင်ဍေ ၜးမာအ်ုဖၠံင်အ်ုဖၠသယ်လ်ုဖး မ်ုၜးအင်းတါင်ဖံင်းဖါ်ကဲထင်းအ်ုၯာင်ႋဆေဝ်ႋလှ်။

(၁) ဟ်ုမူးသယ်ဍေ အင်းၜူးလင်သာမိုင့် (၂) ဟ်ုမူးသယ်ဍေ ပညာၯါင်ႋ၊ သံင်းလေါဟ်မာယူ့ယာႋၯာင်ႋ (ဖှ်ေလင့်မာလေါဟ်ပညာလျသါ်) (၃) ဟ်ုမူးသယ်ဍေ ဆ်ုအှ်ဆံင်းအှ်ခၠါင့်အ်ုၯာင်ႋ (၄) ဟ်ုမူးသယ်အ်ုဖင့်ခေါဟ် ဆ်ုမာဆံင်းမာၮံင် (မာထိင့်ထခ်ုဝုံႋပ္ဍင်ထုံ့ခွင်ႋကဝ်၊ ၜေ့မ်ုလင်မာႋသိုဝ် ဖှ်ေလင့်ပညာ၊ ဟ်ုမူးသယ် အ်ုဖင့်ခေါဟ် မာၜိုဝ်ယောဝ်ႋထေါဝ်ႋဖေါတ်ထိုဲ့အ်ုၯာင်ႋ) (၅) ဟ်ုမူးသယ်ဍေ ဆ်ုၯယ့်ဖၠဟ်ထင်း အ်ုၯာင်ႋအ်ုစံင်းလ်ုဖး (ဟ်ုမူးသယ်လဝ့် မ်ုၜးအင်းလူႋထ၊ စီရေင့်ဖံင်းဖါ်ကဝ်မ်ုတီ(စေဝ်ဆ်ုၜုံး)) (၆) ဟ်ုမူးသယ်ဍေ ဆ်ုထင်းအုဲးထင်းဖး (အေန်တာနေရှေန်းဏယ်ကုံပ်ုဏီ) (၇) ဟ်ုမူးသယ်ဍေ ဆ်ုဍင်းထေံ သံင့်ခၠိုဝ်လင် (ခါန်ႋပ္ကုံတယ်ရောဝ်ႋ၊ ဍုံကၞင့်ဆ်ုပိုင်ကြိုင်ရုံႋ၊ တ်ုဝါန့်/ ကါင်ဖါဆ်ုပိုင်ကြိုင်ရုံႋ) (၈) ဟ်ုမူးသယ် မ်ုထင်းထဝ့်စီကြာအ်ုၯင်ႋ က်ုလုံ့အူရာ်သာလ်ုဖး ဟ်ုမူးသယ် မ်ုထင်းထဝ့်စီကြာအ်ုၯင်ႋ ဆိုဒ်ဖေါဟ်အ်ုဆင့် ၜျူဟာဍောဟ်ဆ်ုထေါဟ်စိုဝ် ၂၀၁၃ - ၂၀၂၂ (က) ထီ့ခါန်ႋၜးဂျက် (ခ) ကုဂ်ကါင်လင်သၞေါဝ့် (ဂ) ထုံ့ခွင်ႋကဝ်လ်ုဖး (ဃ) ဟ်ုမူးသယ် မ်ုစီကြာထင်းထဝ့်အ်ုၯင်ႋ စေဝ်ပ္ကုံကျဲသာ (၉) ဟ်ုမူးသယ်ဍေ မၞီႋပိုင်ဌာန့်အ်ုၯါင်ႋ (ၜေ့မ်ုၮေဝ်ႋ ထဝ့်ၯံင်သၟဝ့်သိုဝ်၊ ဟ်ုမူးသယ် ဆ်ုပိုင်ဌာန့်ယိုဝ် မွာဲဝေ့မၞီႋဆ်ုပိုင်ဌာန့်လှ်) (၁၀) ဟ်ုမူးသယ်ဍေမီဍီယါ (ဆ်ုကါင်ဖါ ဟ်ုမူးဟ်ုခွါ့ ၜေ့လ်ုလင်မာႋ ဖှ်ေလင့်ပညာ ဆ်ုသုဂ်ကၠယ်၊ ဟ်ုမူးကျဲကဏ္ဍ (ဂျာၮယ်)) (၁၁) ဟ်ုမူးသယ်ဍေ သဘာဝၰါင်ႋၰံင် (၁၂) ဟ်ုမူးသာၜင်းသယ်လ်ုဖး (CRC ဖေါဟ်သးသာၜင်း ဆ်ုပိုင်ဌာန့်)

အ်ုမောဝ်ႋတိုင်က်ုလုံ့ဖါဍောဟ် (၄)မိင်[edit | edit source]

အ်ုမောဝ်ႋတိုင်က်ုလုံ့ လ်ုမိင်ၯေဝ်လ်ုမိင်ၯေဝ် ၜေ့မာကဲထင်းအ်ုမောဝ်ႋခၠုံႋ မ်ုဍုဂ်ပါင်သိုဝ် လ်ုအ်ုထီ့ဆာဆ်ုပ်ုယေါဟ်သယ်ၮှ် ခၠိုဝ်ကျဲလင်ထၯံင် က်ုလုံ့ခ်ုဝုံႋဍေခ်ုဝုံႋ လ်ုခ်ုဝုံႋဖိုင် မ်ုၜးမာက်ုလုံ့ဖါဍောဟ် (၄)မိင်ၮှ် ခၠိုဝ်လင်ထ​ဝေ့လှ်။ အ်ုသီးသယ်လ်ုဖး - (က) အင်းတါင်သုတေသန (အေလ်ုမွာဲၜး) ကုဂ်ထင်းၮေဝ်ႋဆ်ုဆၟိုဝ် (ခ) ဖှ်ေလင့် ဆ်ုသှ်ေယာ့ၮးသှ်ေ (ဂ) မာကဲထင်း အ်ုမောဝ်ႋခၠုံႋ (ဃ) သံင့်ခၠိုဝ်လင် ၜဂျက်ဍေသၞေါဝ့်ဝါဒ

မ်ုလဝ်ဖၠဟ်ၜးသာ ဍောဟ်ဍောဟ်အ်ုၯာင်ႋအ်ုစံင်းလ်ုဖး ဆိုဒ်ဖေါဟ်အ်ုဆင့် ဆ်ုထေါဟ်စိုဝ်ယိုဝ်ဆူ့ကေဝ်ထ ၜျူဟာဍောဟ်ဆ်ုထေါဟ်စိုဝ်မွာဲဝေ့ၯံင် ထီ့ခါန်ႋဆ်ုပိုင်ကြိုင်လုက်ဆိင့်/ တာဍောဟ်ဌာန့်သယ် လုက်ဆိင့်လ်ုကါ ၜးဆါင့်ဍေ ထီ့ခါန်ႋဖေါဟ်လုက်ဆိင့် ဆ်ုထေါဟ်စိုဝ်လ်ုမိင်မွာဲဝေ့လှ်။ အ်ုမောဝ်ႋတိုင်က်ုလုံ့ခ်ုဝုံႋ လ်ုခ်ုဝုံႋလ်ုခ်ုဝုံႋၮှ် မ်ုၜးဖှ်ေၯာင်ႋ မာက်ုလုံ့ဆ်ုသုဂ်ကၠယ်ၮှ်လုက်ဆိင့် မ်ုၜးတ်ုတွယ်ဆူ့ကေဝ်ဆိုင်ဝေ့ၯံင် ထင်းထဝ့်စီကြာအ်ုထါ်အ်ုၜံင်လ်ုဖးၮှ် ၜးလေါဝ့်ဆ်ုယေါဝ်ႋထေါဝ်ႋဖေါတ်ထိုဲ့ဍေ ဆ်ုၜးအင်းၮင်ခိင့်ဖါဍင်းထေံသယ်လှ်။ မာကဲထင်းအ်ုမောဝ်ႋခၠုံႋ ၜေ့မ်ုထုဂ်ၯ ထီ့ထီ့ဆာဆာသိုဝ် ၜးလေါဝ့်ဝေ့ဆ်ုယောဝ်ႋလာႋၯေဝ် ဍေတ်ုတွယ်စူးမာယှံင်က်ုလုံ့ၮှ်လှ်။

မာကဲထင်းအ်ုမောဝ်ႋခၠုံႋ[edit | edit source]

စီရေင့်ဖံင်းဖါ်ကဝ်မ်ုတီဝေ့ ခါန်ႋမျေန်မာထိုင်ႋၜိင်းသာ့ ဍေဟ်ုမူးသယ်အ်ုၯာင်ႋကဝ်မ်ုတီ ဆ်ုၮဲအ်ုဖၠံင့်ၮှ် မ်ုအင်းတါင်ဝေ့ၯံင် မ်ုၜးဖှ်ေၯာင်ႋကၞင့်အ်ုခ်ုဝုံႋ လ်ုခ်ုဝုံႋလ်ုခ်ုဝုံႋသယ်ၯင်ႋ အ်ုတာအှ်တာဍောဟ်ဌာန့်/ ပိုင်ကြိုင်ဌာန့်သယ် မ်ုၜးမာဖှ်ေၮှ် မ်ုၜးပ်ုယောဟ်ထ​ဝေ့လှ်။ (၅)ၮိင်းအ်ုထင်ႋဖိုင် မာက်ုလုံ့ဆ်ုသုဂ်ကၠယ်ၮှ် မ်ုထေါဟ်မာၮါင်းဍေ ဆ်ုထေါဟ်က်ုၮံင်ႋဖၠုံးသယ်ၮှ်လှ်။ မ်ုၜးယာလင်မာၮါင်းထ အ်ုဝီႋခၞါဆ်ုသုဂ်ကၠယ် (စေဝ်ယှးဍေ မၞီႋအ်ုဝီႋခၞါ)သယ်ၮှ်လှ်။ ယောဝ်ႋထေါဝ်ႋဖေါတ်ထိုဲ့ဍေ ခိင့်ဖါဍင်းထေံသၞေါဝ့်ၮှ်သီး မ်ုၜးသံင့်တါင်ဆေဝ်ႋလှ်။ မ်ုတ်ုတွယ်မာယှံင် အ်ုဍံင်းအ်ုဖူ့၊ သိုဝ်မာယှံင်လ်ုဖးၮှ်သီး ၜးထုဂ်ဖၠဟ်ထင်းဆေဝ်ႋလှ်။ ၜျူဟာဍောဟ်ဆ်ုထေါဟ်စိုဝ်ယိုဝ် မ်ုမာကဲထင်းအ်ုမောဝ်ႋခၠုံႋအ်ုၯင်ႋ အ်ုခိင်အ်ုခါ့ဖှ်ေထ လ်ု၂၀၁၃ၮိင်းထံင်ၯ ၂၀၂၂ၮိင်း (၁၀)ၮိင်းလှ်။

လ်ုဍုဂ်ပါင်လိက်သါထိင်ႋယိုဝ် ဆူ့ဏဲဖၠဟ်ၰိုဲ ၮေဝ်ႋသာ့ဆ်ုလှ်။ အေမွာဲမာၜိုဝ်မာဆိုင်ၜးသာ ဝီႋကေဝ်ပီဍီယာႋဆါ်ၜိုဝ် ဆူ့ထါင်ပါင်လာ ထံင်ႋအ်ုလင်ႋယိုဝ်ၮ်ှလှ်အိုဝ်.