Wp/kjp/သိုင့်က်ုပေါတ် (တာလ်ုပှ်)

From Wikimedia Incubator
< Wp‎ | kjp
Wp > kjp > သိုင့်က်ုပေါတ် (တာလ်ုပှ်)
သိုင့်က်ုပေါတ်

သိုင့်က်ုပေါတ်ၮှ် ဖၠုံဆိုဒ်ဖောဟ်လ်ုဖး လ်ုအင်းၜးအှ်ၮင်ဆိုဝ်အေး၊ အင်းလ်ုအုဲးၜး အှ်ၮင်ၯာအေးဆေဝ်ႋလှ်။ သိုင့်က်ုပေါတ်ၮှ် ၜးအင်းဖံင့်ဍေကျုင်း၊ လ်ုမွာဲၜး ၜးအင်းဖံင့် ဍေဝူ့ၮာ်ၮှ် ကိုဝ်မိင်ဍေလှ်။ အေအင်းဖံင့်အင်းဝေ့ ထောဝ်ယး, ဆင့်ယး, ဆ်ုၰဝ်ယး,ဟ်ုစာ် ထ်ုရာဲယးလ်ုဖး ဆ်ုဖာ်ဆ်ုယး အ်ုသိင့်လ်ုဖးသီးၮှ်အိုဝ်စာ်ၜိုဝ် အင်းဖံင့်သူ့အင်းဝေ့ ဍေဍိင်းသောဟ်ယာ့ၜင်သီးၮှ်ဆေဝ်ႋလှ်။

လာႋၮင့်ၜိုဝ် အေမွာဲဆ်ုဖာ်ဆ်ုယးၰာင့်မှ်ေၮှ်ဍဝ် အင်းဖံင့်အင်းဝေ့ ဍေကျုင်း ဍေဝူ့ၮာ် ၯံင် ဖိုင့်လင်ပျဝေ့ဍေဆ်ုခး မင်က်ုလာဍိုဝ် အ်ုလိင့်ဍိုဝ်သယ်ၮှ် ဟ်ုအင်းအုဲးဝေ့လှ်။ ဆင့်ယးသိင့်, ဆ်ုယးသိင့်သယ်ၮှ်သီး လ်ုၮင်ၮင်အင်းဖံင့်အင်းဝေ့ သိုင့်က်ုပေါတ်ၮှ်ဆေဝ်ႋလှ်။

သိုင့်က်ုပေါတ်ၮှ်ဍဝ် သိုင့်က်ုပေါတ်ဍာပ်ုဝိက် ပယ်ဆ်ုဍံင်းခိုင့်ၮှ်လ်ုမိင်၊ သိုင့်က်ုပေါတ် လ်ုၰီးလ်ုဍာ ဆီ့ၜိုဝ်အင်းၮှ်လ်ုမိင်၊ သိုင့်က်ုပေါတ်အ်ုထီ့ၰီး အဝ်ၰုဂ်အင်းၮှ်လ်ုမိင် ​ၜေယိုဝ် အှ်ဝေ့အးမိင်ဆေဝ်ႋလှ်။ သိုင့်က်ုပေါတ်ဍာပ်ုဝိက် ၮှ်အိုဝ် ဖၠုံဆိုဒ်ဖောဟ်အှ်ခေါဟ်လံင်ကၠာ ဆ်ုထင်းထဝ့်သီးၮှ် အင်းဖံင့်အင်းဝေ့အးထုက်လှ်။ ဖၠုံဆိုဒ်ဖေါဟ် အှ်ဆ်ုဍာလ်ုဖးသီးၮှ်ၯး အင်းဖံင့်အင်းဝေ့ သိုင့်က်ုပေါတ် လ်ုၰီးလ်ုဍာၜးၮှ် အးထုက်လှ်။

က်ုယာဲဆ်ုဖာ်ဆ်ုယးၮှ်အိုဝ်လဝ့် အင်းဖံင့်က်ုပေါတ်အင်းဝေ့မွာဲဍာ်အေး၊ ၯေဝ်ႋဍူး ဍေယးၰာင့်ၮှ်သီး အင်းဖံင့်အင်းဝေ့အုဲးဆေဝ်ႋလှ်။ သိုင့်ၜင်း ၜၠေါဟ်ဍေဝူ့ၮာ်က်ုပေါတ်၊ မင်ခၠံင်ႋဍိုဝ်, ဖိုင့်ဆာင်းဍိုဝ် ဍေဍေဟ်ၰာင့်က်ုပေါတ် အ်ုထီ့ၰီးၮှ်သီး အဝ်ၰုဂ်ၜးအုဲးဆေဝ်ႋလှ်။

သိုင့်ၰိုင်လးထိုင့် သၠာအင်းဍီး၊ သိုင့်ၰိုင်ထောဟ်ဃွှာဲ ၰိုင်ဖၠုံႋလ်ုဖးၮှ်အိုဝ် ဖၠုံဆိုဒ်ဖောဟ် အေအင်းဖံင့်အင်းဍေကျုင်း, ဍေဝူ့ၮာ်, ဝင်ယေဝ့်, ဃွှိက်သးနိုင်နိုင်ၮှ် စာ်ၜိုဝ် အင်းအုဲးအဝ်ၰုဂ်အုဲးဝေ့ လ်ုမိင်ဆေဝ်ႋလှ်။ ၰိုင်လးထိုင့်ဍၮေင်းယှးဍိုဝ် က်ုပေါတ်အင်းဍေကျုင်းၮှ် အုဲးတ်ုယှာႋလှ်။ ၰံင်းသး ဍေယးၰာင့်အင်းဖံင့်က်ုပေါတ် ဍေကျုင်း အ်ုထီ့ၰီးၰီးၮှ် အင်းမေဝ် လုက်အးဝေ့လှ်။

သိုင့်ယးထုံႋဍူးဟ်ုစာ် ယးဖၠိက်၊ ယးကောဟ်ဍင်းၜၠေဝ်ယေံၜၠေဝ်ၮှ် ကျီႋကျာ ဍေကျုင်း ထုံႋဍူးလင်လ်ုဍူး လ်ုဍူးၯံင် အေအင်းဖံင့်အင်း ဍေဖိုင့်ဆာင်းဍိုဝ်ၮှ်စာ်ၜိုဝ် ဆ်ုအင်းအုဲးဝေ့ ကိုဝ်ၯာဍေလှ်။ သိုင့်ၰူးၜံင်, ကျုင်မိင်ဍူး, ၰူးဖဝ့်ဍေၜင်းဆာင်း အင်းဖံင့်ဍေဝူ့ၮာ်ၮှ် အင်းအုဲးတ်ုယှာႋလှ်။ သိုင့်ၜင်းဆာင်း ဍေဝူ့ၮာ်က်ုပေါတ်ဍိင် ဍေယးသိင့်ဏှ် အင်းအုဲးလ်ုမိင်ဆေဝ်ႋလှ်။ သိုင့်လုံႋသးဍေဝူ့ၮာ်ဍေယးၰာင့် ဝင်ယေဝ့် ဃွှိက်သးက်ုပေါတ်ၮှ် အင်းမေဝ်အုဲးဝေ့ စွးဆေဝ်ႋလှ်။