Wp/kjp/ဖူ့ထောဝ်မဲဖာႋ

From Wikimedia Incubator
< Wp‎ | kjpWp > kjp > ဖူ့ထောဝ်မဲဖာႋ
Jump to navigation Jump to search

ဖူ့ထောဝ်မဲဖာႋ တာ်ခေါဟ်လ်ုယာ့ ဖၠုံဆိုဒ်ဖောဟ်လ်ုဆုက်ဏှ် ယှူးယှူးၜါၜါ အှ်သီးဝေ့ဍး လ်ုခင်းထာ်လလ်ုခဝ့်အိုဝ်လှ်။ ဖူ့ထောဝ်မဲဖာႋယိုဝ် အ်ုၯာင်ႋဆံင်းၜျာဆံင်းၯံင် ထံင်အ်ုဝေ့ၰီးၰုဂ် ဆ်ုလင်ႋဍာအိုဝ်ဏှ် ခေဝ်ႋ၊ ထောဝ်မိင်လ်ုဖး ၯယ့်ဝေ့ ၜုင်းဏင်ဍူအေး။

အှ်လ်ုဏီ ဍေဖူ့ထောဝ်မဲဖာႋ အ်ုၯာင်ႋဆံင်းၜျာဆံင်းအ်ုကျံင်ဏှ် လ်ုဖူ့ထောဝ်မဲဖာႋ အ်ုဖောဟ်လီသီး သုင်းလင်ထံင်းလင်ထ ဆ်ုထာ်ဆ်ုၜံင်ကၠာလ်ုဖးဏှ်လှ်။ ဖောဟ်လီသီးလ်ုဖး ဟှယ့်လ်ုဖူ့ထောဝ်မဲဖာႋအှ်ၯံင်၊ "ဟေး ဖူ့ လင်ဟ်ုသာမဲ ထောဝ်မိင်ဖာဍောဟ်လ်ုဍူ ၯယ့်မာၯာၯံင်ဝေ့ ပ်ုကၠောဝ်ပ်ုယှောတ်ယုဂ်၊ အင်းသံင်းဖှ်ေလာႋ ထောဝ်မိင်ဖာဍောဟ် ဏင်ထီးဆာ်ၯဟ်" လဝ်ၯိုင့်ၜးသီးဝေ့လှ်။

ဖူ့ထောဝ်မဲဖာႋခဝ့်ဍဝ် "ၯေဝ်ယုဂ်" ဏှ်လဝ့်ဝေ့ဟှံင် လေဝ်ဝေ့လ်ုထောဝ်မိင်ဖာဍောဟ်အှ်လင်ႋဍာအိုဝ်လှ်။ ထောဝ်မိင်ဖာဍောဟ်ဏှ် ဍးဖူ့ထောဝ်မဲဖာႋလ်ုၜၠင် သာ့ၯယ့်ထင်းဆ်ု စွးစွးလေံၯံင် အိင်ထင်းအ်ုမဲခွါင်ဍာင် ၜှ်ေဝေ့ဖူ့ထောဝ်မဲဖာႋလှ်။ လာႋဏင့်သီး ဖဝ်ႋထောဝ်မိင်ဖာဍောဟ် လ်ုခၠုဂ်ၜှ်ေဍာ်ၜးအ်ုခါ့ ဖူ့ထောဝ်မဲဖာႋခဝ့် လ်ုသုံႋ(မာ)ဝေ့ စူးဖံင်းခင်းလာင်ဏင်မိင် မာသီ့ခွိက်ဝေ့ ထောဝ်မိင်ဖာဍောဟ် ဍေအ်ုစူးခီ့ဏှ်လှ်။

ထောဝ်မိင်ဖာဍောဟ်သီ့လ်ုၜၠင် ဖူ့ထောဝ်မဲဖာႋဏှ် အင်းမာဏေဝ်ႋဝေ့ က်ုယာဲထောဝ်မဲထုဲႋဏှ်လှ်။ ထံင်ဏှ် ထောဝ်မဲထုဲႋဏှ်အိုဝ် တာင်ဏေဝ်ႋဝေ့ သီးခုဲ့ခေါဟ်လ်ုၜိင်းၯံင် ဆံင့်ထ​ဝေ့လှ်။ ဍေထောဝ်မဲထုဲႋအ်ုစံင်မင်ဏှ် အ်ုခေါဟ်ကျံင် လ်ုထီးဃှင်ႋ ၜင်းလင်ဝေ့လှ်။ ၯာင်ႋၜျာသီး ဆံင်းထင်းဝေ့လှ်။