Wp/kjp/ဆ်ုအုင်း
ဆ်ုအုင်းယိုဝ် မွာဲဝေ့ဍး ထီ့ခေါဟ်လံင်း အ်ုဖၠုံးလံင်း အ်ုဖၠုံဖေါဟ် ပ္ကုံသာလ်ုမိင်ၮှ်လှ်။ လ်ုမုဂ်ခေါဟ်ၮှ် ထီ့ခေါဟ်လံင်း ပ္ကုံထင်းသာအေအးတာႋ ကဲထင်းဝေ့ ဆ်ုအုင်းလှ်။ ထီ့ဖၠုံးဖေါဟ် လုဲပုဲးၮှ် အှ်ဝေ့ဍး က်ုယာဲအ်ုသီးၮှ်ကာအေး၊ အှ်ဍိင်ဝေ့ ဍေထီ့ခုဂ်ဖၠုံးဖေါဟ်သီးလ်ုဖးၮှ်လှ်။
ဆ်ုလ်ုဆ်ုအုင်းၮှ် အ်ုယံင့်အွာ၊ အ်ုယံင့်ပျုဂ်၊ အ်ုယံင့်သိုင့်၊ အ်ုယံင့်ၜင်၊ အ်ုယံင့်ၜင်ဝဝ်၊ ၜေ့ၮှ်သိုဝ်ကဲထင်းဝေ့သှ်ေ အ်ုမိင်မိင်ၮှ်ဆေဝ်ႋ။ ဆ်ုအုင်းအ်ုတင်းအ်ုၜိုင် အ်ုဖင့်ခေါဟ်ၮှ် မူႋမေံအ်ုလျာႋ ဆေဝ်လင်ၮှ် အ်ုခေါဟ်စံင် ဆ်ုအုင်းအ်ုယံင်သီးလ်ုဖး အင်းလယ်ထင်းသာ မွာဲၜိုဝ်လှ်။
ဆ်ုအုင်းၮှ် အေမွာဲၜးလဝ် အ်ုယှာထုက်စါ်ၜိုဝ် အ်ှဝေ့ဍး အ်ုအုင်းယးၜိင်း၊ ဆ်ုအုင်းကါ်ယယ်၊ ဆ်ုအုင်းၜယ်ၜၠါ်၊ ဆ်ုအုင်းဆ်ုဆိုင် ၜေ့ၮှ်သိုဝ် အ်ှဝေ့လီႋမိင် ဆေဝ်ႋလ်ှ။
ဆ်ုအုင်းယးၜိင်း
[edit | edit source]ဆ်ုအုင်းယးၜိင်းၮှ် အ်ှဝေ့ဍး လ်ုၯင်းခေါဟ်ဖံင့်ခေါဟ် အ်ုထဝ့်ယာဲတိုင်ၮှ် ထံင်စိုဝ်အ်ုတိုင်(၁၀)ၮှ်လှ်။ ဆ်ုအုင်းယးၜိင်းၮှ် အွာဖဝ့်ယဝ့်ဝေ့ၯံင် အ်ှဝေ့လ်ုမုဂ်ခေါဟ်လါ့ဖိုင် အ်ှလ်ုကိုဟ်လ်ုကိုဟ် ၜေ့လ်ုပဝ်သိုဝ် ၜေ့ယးၜိင်းသိုဝ်ၮှ်လှ်။
ဆ်ုအုင်းယးၜိင်း ကဲထင်းအ်ုလင်ႋၮှ် အေမွာဲဆ်ုခၠိင်း အေအးထင်းတာႋ ထီ့ဖၠုံးဖေါဟ်လ်ုဖး ကဲထင်းဝေ့ ထီ့ခေါဟ်ဖၠုံးဖေါဟ် လုက်ခၠါလှ်။ ဆ်ုအုင်းသီးၮှ် လ်ုကေမူႋၯဝ် ကေမူႋၯးအ်ုခါ့ၮ်ှ ပ်ုဍးၜးဝေ့ အ်ုယံင့်ၜင်ဖါင်း ဍေကေမူႋဆာ့ၮ်ှ အ်ုယံင့်အါသိင့်ဝေ့ဍးၮှ်လှ်။
ဆ်ုအုင်းကါ်ယယ်
[edit | edit source]ဆ်ုအုင်းကါ်ယယ်ၮှ် အ်ှဝေ့ဍး လ်ုၯင်းခေါဟ်အ်ုဖင့်ခေါဟ် အ်ုၜၠါ်ယာဲယာၮှ် ထံင်ၜိုဝ်အ်ုတိုင်(၁၀)ၮှ်လှ်။ ဆ်ုအုင်းကါ်ယယ် အေလင်ဖိုဟ်တ်ုယှာႋ အေၜုဂ်ထင်းဍေၯင်းခေါဟ်ဆေဝ်ႋၮှ် ကဲထင်းထါင်ဝေ့ ဆ်ုခူးသီးလ်ုဖးၮှ် ဆေဝ်ႋလှ်။ ဆ်ုအုင်းကါ်ယယ်ၮှ် အှ်ဖိုဟ်၊ အ်ုကၠါ၊ အှ်ထဝ့်ၜေ့ၮှ်သိုဝ် အှ်ဝေ့သှ်ေ(၃)မိင် ၮှ်လှ်။
ဆ်ုအုင်းကါ်ယယ် အ်ုလ်ုအ်ုထဝ့်ၮှ် အှ်ဝေ့ဍး လ်ုၯင်းခေါဟ်ဖံင့်ခေါဟ် အ်ုထဝ့်ယာဲတိုင်ၜၠဲ ၮှ်လှ်။ အေမွာဲ ဆ်ုခၠိင်းအေးစွးတာႋ ကဲထင်းဝေ့ထီ့ခုဂ်ဖၠုံးဖေါဟ် ထံင်ႋအေလုက်ဆေဝ်ႋလှ်။ ၜးၜၠင်ၜၠင် ပ်ုဍးထင်းၜး မူႋမေံၯိင်လင်သာၮှ် အ်ုခေါဟ်စံင် ပ်ုသှ်ေယာ့ၜး မွာဲဝေ့ဆ်ုအုင်းအှ် ထဝ့်ၮှ်လှ်။ ၜေ့သိုဝ်ဆ်ုအုင်းယးၜိင်းသိုဝ် ဆ်ုအုင်းကါ်ယယ်သီးလ်ုဖး ခၠုက်ၜါ်ဝေ့ မူႋမေံဍေလာၮှ်ကဲအေး။
ဆ်ုအုင်းကါ်ယယ်အှ် အ်ုကၠာလ်ုမိင်ၮှ် ပ်ုၯင်းခေါဟ်ဖံင့်ခေါဟ် အှ်ဝေ့ဍးအ်ုထဝ့် လ်ုတိုင်ဍေယာဲတိုင် အ်ုၜုံဆိုင်ၮှ်လှ်။ ၜးၜၠင်ၜၠင်ဝေ့ဍးသိုင့်ခါ်၊ ၜးၜၠင်ၜၠင် လ်ုမုဂ်ခေါဟ်ၮှ် ၰိုဲၰိုဲသီးသှ်ေဝေ့ဍးလှ်။