Wp/kjp/ဂေါတမကျာ်ဆိုဒ်ၜံင်

From Wikimedia Incubator
< Wp‎ | kjpWp > kjp > ဂေါတမကျာ်ဆိုဒ်ၜံင်
Jump to navigation Jump to search

ဂေါတမကျာ်က်ုဆာႋယိုဝ် ခဝ်ရဝ့်ခါ့ အ်ုမိင်မွာဲဝေ့ဍး သိဒ္စတ္ထဆေဝ်ႋလှ်။ အ်ုမောဝ်ႋဖါႋၮှ် ဃွှာသုဒ္ဓေါဒန ဍေသီရိမဟာမာယာဒေဝီလှ်။ ဘဒ္ဒကဥ္စနာဟ်ုကေဝ်ႋ ယသောဓယာၮှ် မွာဲဝေ့ဂေါတမ ဘိမ္မာ့ၯံင် အ်ုဖေါဟ်ခွါ့ၮှ် ရာဟုလာ (ရဴဟုလာ)ဆေဝ်ႋလှ်။ အ်ုဍံင်းၮှ် ဒေဝဒတ်ၯံင် အ်ုမောဝ်ႋယာႋၮှ် အ်ုမိင်ဂေါတမီၮှ်လှ်။

ကျာ်က်ုဆာႋဂေါတမယိုဝ် ကပိလဝတ် (သက္ကဌာန့်၊ မဇ္စျိမဒေသ)ဍုံဌာန့်၊ ကပိလဝတ်ဍေဒေဝဒဟအ်ုၜုံဆိုင် လုမ္ဗိနီဖဝ့်ကၠောဝ်လင်ႋဍာဝယ် အှ်ဖၠဲဖါထင်းအေၯံင် အ်ုယုက် ၁၆ - ၮိင်းခါ့ အင်းပိုင်နန်ႋၮှ်ယိက်ဝါ် ၁၃ ၮိင်းဆေဝ်ႋလှ်။ ဟ်ုယှာႋ၊ ဟ်ုဆာ့၊ ဟ်ုသီ့၊ သင့်ဂၟီ့ လၟိက်ဖါဍောဟ်လ်ုဖး ဍးဝေ့ဍးအ်ုခေါဟ်ကျံင် လ်ုနန်ႋဆ်ုမာ လ်ုမုက်အ်ုသာလိုင်ၜးဆေဝ်ႋလှ်။ ထံင်ၮါင် အ်ုယုက် ၂၉ -ၮိင်းခါ့ လေဝ်တာ်ဂြုက်ယုက်ထာဆေဝ်ႋလှ်။

သုမေဓာဣသိ (အာ်သာ်)အ်ုကျးခါ့ ၮေဝ်ႋထါႋဝေ့ဍး ၮေဝ်ႋဗျာဒိတ်အ်ုကျးလ်ုဖး ထံင်ၮါင် လာယာ့ၰိုဲမူႋၮီအိုဝ်ၮှ် တုင်ႋၮေဝ်ႋဗျာဒိတ်ဆေဝ်ႋလှ်။ ဖှ်ေလင့်ထါ ဗျာဒိတ်က်ုဆာႋကၠံင်ၮှ် ဒီပင်္ကရာ က်ုဆာႋကျာ်ဆေဝ်ႋလှ်။ လီႋသင့်ဃွှဲဍေကဝ်ဆီ့လာ မ်ုပ္တံင်ပါရမီ့ခိင့်ခါ့ဍးအိုဝ် လ်ုဟ်ုမူး သုမိတ္တာ (ယသောဓရာအ်ုလံင်ႋ) ၜးပ္တံင်ၰုက်ပါရမီ့ဆေဝ်ႋလှ်။ မ်ုမာဖှ်ေသတ်ဂမၠိုင်ႋလုက်ခၠါအ်ုၯင်ႋၮှ် ၜးပ္တံင်ပါရမီ့ ဆ်ုပ်ုယောဟ်လှ်။ ဆ်ုၜးဒ္ဂေတ်ကးၯယ်အး ဒုက္ကရစရိယာ ဆ်ုမာယိုဝ် လ်ုဥရုဝေလကောဝ်မိင်လလင်ႋဍာအိုဝ် မာဝေ့ ဒ္ဂေတ်ဒုက္ကရ စရိယာဆ်ုမာဆေဝ်ႋလှ်။ ဖဝ့်ဒ္ဂေတ် ဒုက္ကရစရိယာခါ့ သုဂ်အင်းသုဂ်အဝ်ဖှ်ေအ်ုၮှ် မွာဲဝေ့ ပဥ္စဝဂ္ဂီ ဂၟီ့ယာဲၯာလှ်။ ပဥ္စဝဂ္ဂီ ဂၟီ့ယာဲၯာအ်ုမိင်ၮှ် ကောၮ္ဍည၊ ဝပ္ပ၊ ဘဒ္ဒိယ၊ မဟာနာမ်၊ အဿဇိ ဆေဝ်ႋလှ်။ ၜးဒ္ဂေတ် ဒုက္ကရစရိယာအ်ုၮိင်း ၆ - ၮိင်း (မဟာၮိင်းသာထာ် ၉၇၊ ထံင် ၁၀၃ -ၮိင်း)မလ်ုကာ ကဲထင်းဝေ့ ကျာ်က်ုဆာႋဆေဝ်ႋလှ်။ ကဲထင်းကျာ် အ်ုယုက်ထာၮှ် ၃၅ - ၮိင်းလှ်။ ကျာ်ဒှ်ထင်းအ်ုယုက်ထာခါ့ မၞီႋအ်ုယုက်ၮှ် အှ်ဝေ့ ၁၀၀ ဆေဝ်ႋလှ်။