Wp/kjp/က်ုဆာႋကျာ် ဘဒ္ဒန္တဘောဂသါမိ

From Wikimedia Incubator
< Wp‎ | kjpWp > kjp > က်ုဆာႋကျာ် ဘဒ္ဒန္တဘောဂသါမိ
Jump to navigation Jump to search

က်ုဆာႋကျာ်ဘဒ္ဒန္တဘောဂသါမိယိုဝ် အှ်ဖၠာ်ၮိင်း (၁၂၉၄)ၮိင်း၊ လာၰိုဝ်ယောတ်ထင်း (၁၂)သင့် မူႋဗြဴပ္တာ်မူႋထုင်း ၁၂ နာဍီအ်ုခါ့ၮှ်လှ်။ က်ုဆာႋကျာ် ဘဒ္ဒန္တဘောဂသါမိ အှ်ဖၠာ်ဝေ့တွါန့်ဇာတာ်ၮှ် မိက်ၮင်ႋအာတွါန့်ဇာတာ်လှ်။ ဖါႋအ်ုမိင် မာန်ကျဝ် (ဦးလုံးရွှေ) မောဝ်ႋအ်ုမိင်ၯာ (ဒေါ်နှင်းလှိုင်)ၮှ်လှ်။ မောဝ်ႋဍေဖါႋၮီ့ၯာမိတ္တာ အ်ုလာယှူးတဝ်ႋ တၠာ့ၮေဝ်ဝေ့ဖေါဟ်ရတနာၮှ် မူႋဗြဴပ္တာ် မူထုင်း (၁၂)နာဍီအ်ုခါ့ၮှ်လှ်။ က်ုဆာႋကျာ် ဘဒ္ဒန္တဘောဂသါမိ ထိုင့်ဖူ့ဝဲါအှ်ဝေ့ ယာဲႋၯာဖိုင်ၮှ် က်ုဆာႋကျာ် ဘဒ္ဒန္တဘောဂသါမိ ဝေ့ကဲၮီ့ၯာလ်ုၯာၮှ်လှ်။ မေါဝ်ႋဍေဖါႋၮီ့ၯာ ဖၠေါဟ်ထင်း ၮေဝ်ႋဝေ့အ်ုမိင်ရေင်ႋ (မိင်ဇာတာ်)ကေါဝ်ထင်းဝေ့ဍေႋ (မောင်ပန်းရွှေ(ခ)ကျဝ်ဖဝ့်ဓံင့်) ၮှ်ဆေဝ်ႋလှ်။ က်ုဆာႋကျာ် ဘဒ္ဒန္တဘောဂသါမိ ၮှ်ထင်းတ်ုပိုဲကံင်ထင်းဆ်ုၜင် ယုက် (၁၄)ၮိင်းခါ့ တုင်ႋၮေဝ်ႋ သာသနာ့သာၮိင်းထင်းၜါ (၁၉)ၮိင်းကဲထင်းမိင် ဝေ့နာဲၮှ်လှ်။ က်ုဆာႋကျာ် ဘဒ္ဒန္တဘောဂသါမိ ဝေ့ထင်းသိင့် သက္ကရာဇ် ၮိင်းသာထာ် (၁၃၁၄)ၮိင်း ဂိမှန္တ (အုဂ်တုဂ်ဆ်ုယဝ်ခါ့ (လာယါ့ဃွှိုဲ) အ်ုသုဂ်မူႋၮီ (မိင်ၮင်ႋအာဘာႋသိင့်ဖိုင် (က်ုဆာႋကျာ်မိက်တင်ဘာႋ)။

အ္စာဖါဍောဟ် ဘဒ္ဒန္တနန္ဒမာလာတုင်ႋဖှ်ေၮေဝ်ႋဝေ့ (ဥပဇ္စျာယ်)ၮှ်လှ်။ က်ုဆာႋကျာ် ဘောဂသာမိၮှ် ကဲထင်းၜးကၟီသင့်သိုင့်ဝဝ်ထင်းၜါခါ့ ပိုင်ၮေဝ်ႋၜး ဘာႋလ်ုဆင့်အ်ုထင်ႋဖိုင် က်ုဆာႋကျာ် ဘဒ္ဒန္တဘောဂသာမိ ၮှ်လ်ုအးၜးအ်ုသာပညာ့ယှာဍာ် လေဝ်လင်အှ်ဝေ့ဘာႋ လ်ုကေါဝ်တြာ်ခင်းထာ်လး ၮံင်းဖြူ့ဘာႋၮှ် ကုက်မာလောဟ်ၮေဝ်ႋ ပညာ၊ ဗိင်တိုဒ်ႋ၊ အင်္ဂဝိဇ္ဇာဍေ ဗေဒဝိဇ္ဇာသယ်ၯံင် လေဝ်လင်အှ် ထါင်လ်ု ဍုင်မင့်လုံႋမြိုင့် (မော်လမြိုင်မြို့)၊ ဍုင်ပဲခူး၊ ဍုင်လ္ဂုင်ႋ (ရန်ကုန််မြို့)သယ်ၮှ် မာလောဟ်ၮေဝ်ႋဝေ့ ပန်းချီ၊ ပန်းပုသယ် မာလောဟ်ၮေဝ်ႋ ဝိနည်းသိက္ခာ ဖိုင်ဘာႋသင့် ဒ္ဂေတ်ပ်ုဝါသယ်ၯံင် က်ုဆာႋကျာ် ဘဒ္ဒန္တဘောဂသာမိ ထင်းၜါ (၉)ဝဝ်ႋၮိင်းၮှ် ၯယ့်ထာင်တွါန့်ဇာတာ်အိုဝ် မိက်ၮင်ႋအာတွါန့် ဒါယကာ၊ ဒါယိကာမ ဂၟိုင်ႋသီးဝေ့ ဍေအ္စာဖာဍောဟ်က်ုဆာႋကျာ် ဘဒ္ဒန္တနန္ဒမာလာ ထ္ၜါၮေဝ်ႋထာင် က်ုဆာႋကျာ် ဘဒ္ဒန္တဘောဂသာမိၮှ် ဖ်ုအိုဝ်ထာင်ဝေ့ မိက်ၮင်ႋအာတွါန့်ဘာႋဖါဍောဟ်ၮှ်လှ်။

က်ုဆာႋကျာ် ဘဒ္ဒန္တဘောဂသာမိဝေ့ ၮိင်းသာထာ် (၁၃၃၅)ၮိင်းခါ့ မိက်ၮင်ႋအာတွါန့် ခေါဟ်လံင်ပူလာင်းဍင်ခေါဟ် တာင်ထင်းကၠံင်သိုင့်ၜၠင် ကဲထင်းဍုဂ်ပါင်လ်ုၜၠင် လာသိုင့်ဃွှိုဲ အ်ုသုဂ်မူႋၮီ ဍေတ်ုကါ ဂၟိုင်ႋသုင်းမုက်သာလိုင်ခံင်ႋၜိုဝ်ၮါင်းယိုဝ်လှ်။

က်ုဆာႋကျာ် ဘဒ္ဒန္တဘောဂသာမိ အ်ုဝဝ်ႋထင်းၜါ (၃၅)ဝဝ်ႋအ်ုခါ့ (ထ္ၜါယေါဝ်ခွါႋသာသနာ ဒ္ဂေတ်တာင်ကၠံင်သုင်း ဘာႋဂၟီ့သင့်အးအ်ုၯင်းၮှ်မာၮေဝ်ႋဝေ့အ်ုတာ တာ်ရေင့်ပ်ုပါႋၮှ်လှ်။

(၄၃)ဝဝ်ႋထင်းၜါၮှ် ၜးဖံင်းကုံပ်ုၯုင်ႋထး သာသနာအ်ုၯင်ႋ ကဲထင်းဖိုင်ထး အ်ုဍောဟ်ထုက်ၮှ်လှ်။ က်ုဆာႋကျာ် ဘဒ္ဒန္တဘောဂသာမိဝေ့ သာသနာ သာက်ုလာ (သက္ကရာဇ်) (၂၅၅၇)ၮိင်း ၮိင်းသာထာ် (ကောဇာသက္ကရာဇ်) (၁၃၇၅)ၮိင်း ခ်ုရေဝ်ၮိင်း (၂၅-၁-၂၀၁၄)ၮိင်း ထာင့်ခုက်ဖေါဟ်လင်ထာင် (၈)သင့် မူႋၮီဗြဴပ္တာ် ကေမူဆာႋ (၁၁:၃၀)နာဍီအ်ုခါ့ၮှ် က်ုဆာႋကျာ် ဘဒ္ဒန္တဘောဂသာမိ ကၠ်ုခွိက်အ်ုကျးလ်ုနတ်ဍုံဖိုင် ပဝ်ခွိက်ယုဂ်လှ်။