Wp/kjj/Хыналыкъ (кичеб)
«Хыналыкъ» — кичеб
Кичебир шаир РаьхIим Алхас Хыналыкъ (Каьтши) мицIир сицIи шеирдир дахил кьижмаь. Са шеирдири хIаьйати хIадисаьдириш, ваьтаьни таьбии хIаьйардаьвалдириш, йуквали дуйгъудириш чыкIыркъомаь.
Каьтиш сойаь гьине мицIи гьакъкъыр маьгIлумат лаькIирвалишкил чинардаь Каьтши аьфсанаьдйаь гьаькъикъаьтирдирим са кичеби саьхIифаьдирир гьинаьну джигаь чIухьужмаь.
ЛикIувургъози хIаьваьсу саьбаьбкуседиришилли сажим даьмаь ки, са кичебир аьвваьлимджи нубу Азаьрбайджани шаирирзи шеирдирим ликьужма. Даь кичеб сицIду гьаьмим истедадти таьржимаькирду кьизагъи гьаь шеирдир гьини чихи хIаьваьсилли Каьтши мицIу таьржимаь кужмаь.
- РаьхIим Алхас, «Хыналыкъ» (Шеирдир. Аьфсанаьдйаь гьаькъикъаьтирдир.), Азаьрнаьшр, Бокку – 1992, с. 2. ISBN 5-552-01197-X