Wp/kiu/Her

From Wikimedia Incubator
< Wp‎ | kiuWp > kiu > Her
Zu her

Her zu heywanê de baronteno. Lıngê heru yê astoru ra ferqıno, cokao ke heri şikinê davacerdeki rınd bıveziyê ra gılu. Heri astoru ra zêde bar şikinê boncê. Heri vaswerdoğê (vecetaryenê) u xeylê waxt şikinê têsaniye rê tehemıl bıkerê. Raa raste de şikinê 50 km/ç [çipêni = xız, surret] voz dê.

Rengê muyunê ho yê taine bozo, yê taine qehwerengi, ye taine ki şiawo. Hard ra berzênia poştia heru teqribi 90-160 cm (santımetre)o. 2-2,5 serre de benê pil u şikinê kurri bıkerê. Dıganiya heru teqribi 12 ya ki 14 asmi bena u kurrıkê ho 6 ya ki 9 asmu ho de fetelnenê, cızık danê cı u kenê weyi.

Heri astoru ra zêde cüyenê (wes manenê). Teqribi 40 serre cüyenê. Oncia yê heru 5 parşüyê ho zêderê u qromozomê ho ki 31 cıteyê. Yê astoru 31 cıteyê.

Mianê neweo ke serê DNSê heru de vıraziyo, veto meydan ke koka heru Afrika ra yena. Heri xeylê ravêr ra destê insanu ra amê weyikerdene. 4000 milad ra ravêr Mısır de dormê Nili de insanu heri kerdê weyiye. O ra tepia ki Mezopotamya de insanu weyikerdena heru mısay.