Wp/kiu/Din
Din
Din itıqad ya ki eqido, baweriya insania. Çekuya "din"i İrankiyo Khan, Avesta, "daena" ra yeno, İrankiyo Wertên, Pehlewki ya ki Partki ra kuto Arebki, reyna Arebki ra kuto Farski, Tırki u zonunê binun.
Din, raa ispat-kerdişi ra nê, raa bawer-kerdişi (inam-kerdis) ra sono. Baweriya insani be jü ya ki jêde Heqi ke mordem pê manê heyati ifade keno. Dinê gırşi serê dina de İsewitêni, İslam, Budizm, Musewitêni morinê. İtıqadê kıtabun ra qêri jü ki itıqadê tabiiy estê. Taê dinê tabiiun u kıtabun ra ki kutê têwerte u senteze ki vıraşta.
Kıtabê Mıqedeşi
[edit | edit source]Tewrate, İncıle u Qurane hirê kıtabê mıqedesê. Qurane de Zebure ki jü kıtabo mıqedes yena qebul-kerdis. No kıtab Hz. Dawıdi rê amo. No derheq de ayetê Qurane vano: "Hz. Dawıdi ki ma Zebure dê cı." Manê Zebure "pel"a. Hama her dı dinunê binun de Zebure jê jü kıtabo hoser niamo qebulkerdis. Zebure, jü qısmê Tewrata. Tewrate Hz. Musay rê ama u kıtabê Musewitêni (Cıhudêni)o. İncile Hz. İsay rê ama u kıtabê İsewitênio. Qurane ki Hz. Mıhemedi rê ama u kıtabê İslami (Mısılmanun)o. Ni heme hirê din u kıtabi semawiyê, yanê din u kıtabê Heqiê. Heqi jü u tek qebul kenê.