Wp/kiu/Dêra İsaya Raşte

From Wikimedia Incubator
< Wp‎ | kiu
Wp > kiu > Dêra İsaya Raşte
Xaç, sembolê İsewitiye

Dêra İsaya Raşte (Çinki [Zhēn] [] [] [Jiào] [Huì], İngilizki True Jesus Church), dêra dê xosera ke serra 1917ine de paytextê Çini Pekin (Beijing) de niya ro. Ewro nezdiyê 45 dıwelan ra 1,5 milyon ezayê xo estê. Dêre, verêniya seserra 20ine de itıqadê İsewitine, lızgey Protestanan ra bırriya ra. Na dêre eydanê /roşananê zey Noeli u Pasxalya bımbarek nêkena.

Des Doktrinê Dêra İsaya Raşte[edit | edit source]

1. Roho bımbarek : Ebe qısey-kerdena zıwani ra reştena roy, mêrasê qralina ceneti garanti kena.

2. Vaftiz : Vaftizê awe ayinê ef-kerdena guneyan u newe-biyaenea. Vaftiz wertê awa yabani de yeno kerdene. Mesela çhem, dengız ya ki hêni. Xora verênde ra vaftizkerdeo vaftizkar, karê vaftizi be namey İsay ra ano hurêndi. Keso ke vaftiz beno, serê xo xo ver de cêno / gêno be na usıl leşa xora pia kuno awe.

3. Şutena lıngan : Ayinê şutena lıngan, ey kesi be pêreştena İsay temin keno u eyni zeman de goyıl-nızmêni, bımbarekêni, hes-kerdene, ef-kerdene u xızmete-kerdena merdumi ano ra viri. Her kam ke vaftiz biyo ganê be namey İsay ra xo bışuyo. Lıngi-şutena yewbini şena demo vicnae de bıbo.

4. Cemato bımbarek : Ayinê do ke semedê merdena İsay ra xo-vir-ardene beno. Xeyrê na kombiyayışi, merdum can u roê İsay ra beno yew u şeno ebedi heyat reşo. İta nano bêmiraz u awa hengure hurêndia goşti u gonia İsay cênê /gênê. Seba ke o merdumanê gunekaran ver amo çarmıx kerdene.

5. Roca Şabati : Roca heftiya hewtine yanê şemiye yena qebul kerdene ke na roce, roca bımbareka u terefê Heqi na kerda bımbarek. Na roce de ganê merdum afernaena Heqi u amaena huzırê ebedi biaro ra xo viri.

6. İsa : Mesih, lacê Heqiyo ke be can u ro ame wertê merduman u dinan rê qısey dey ardi. Seba ke o merdumanê gunekaran ver ame çarmıx kerdene, roca hirêine ame ra xo u şi cenet. O yegane xelesnaoğê merdumano, afernaoğê ceneti u cihanio u tek Heqo raşto.

7. İncile : İncila ke terefê Heqi ra aferniya be qısmê xoyo khan u newe ra, yegane raştiya bımbareka /firaza u cuyê Xristiyanan rê standarda.

8. Xelesiyayış : Xelesiyayış, yew rındênia Heqi baweriye rê da. Bawerkerdoği seba domnayışê bımbarekbiyaene, dekernaena Heqi u heskerdene merduman, ganê “roh el qudus” rê bawer bıkerê.

9. Amaena Mesihia dıyine : Amaena Mesihia dıyine bena “roca peyêne”. O cenet ra seba mıhakeme-kerdena dınya rê yeno. İyê ke zerrê xo pako, cuyê ebedi gênê u iyê ke zerrê xo xırabıno ki lanet benê.

10. Dêre : Dêra İsaya Raşte, wextê vartışê dıyine de, eke “roh el qudus” (roho bımbarek) bi, terefê İsa Mesihi ra vıraziye. Dêra İsaya Raşte, dêra raşte demê ‘Papa’y ra ama tamir kerdene.