Wp/kiu/Christian Grönroos

Nuştoxê na meqaley Faruk İremet o

Christian Grönroos Profesorê iqtısad ê Üniversiteyê Ticaretê (Svenska Handelshögskolan) ê Helsinfors (Finlandiya) o.

Vateyê sıfte

İqtısad ê Üniversiteyê Ticaretê (Svenska Handelshögskolan) ê Helsinfors (Finlandiya) o. Aliman ra jewo kı sereyê CRM’i Customer relationship management (Ekonomi dı gıraneya erinoxan) anceno o zi Grönroos o. O sistemê iqtısad kı nıka zaf qıymet gêno o zi modelê CRM’i yo.

CRM élaqayê erinoxan o

Zaf alımi u zaneyê iqtısad derhéqdê CRM’i dı qısey kenê u merdım şeno vaco; "CRM çıçiyo?" (bewnê: Ekonomi Dı Gıraneya Gırotoxan / Erinoxan) Customer Relation-ship Management yani Ekonomi dı gıraneya erinoxan. Gürweynayenda CRM’i merdım şeno bı abırno hirê xeti/xırubi;

• 1. Prosesê CRM’i
• 2. İnfermasyon / Enfermasyon héqê héreketan/organizasyon
• 3. T.İ (Teknikê İnfermasyoni)

O çi kı en mühim u rıhê prosesê CRM’i yo, o zi héme qédeme dı arêkerdenda infermasyoni yo. Hedef, qinê/inancê erinoxan u ê şirketan veşi kerdeno. Yani hem erinoxi u hem zi şirketi infermasyonê kı ma ra vıcê no teber êy rê qin kerê u bı na raya erinoxan u şirketan gırêdê bı xü ya.

Vinayışê Christian Grönroos wuniyo; "Bı raştey ez wazena merdım nêvaco CRM, vetena qısey bı raştey zi zéhmet o. Mı bı xü nameyêdo newe daya cı u vana élaqayê erinoxan. Çiyo kı ez vana éyni çiyo kı merdım bı namedê CRM’i ya formıle keno. Vatenê mı qandê hémına bı hetı vateni dı réhet yeno. CRM tenya qandê şirketan nê, qandê erinoxan zi kar (qezenc) dano. Wextê derg u hera dı hem şirket u hem zi erinoxi nêy çira qezenc kenê. Yani hım erinoxi, hım şirketi u hım zi gürwe kerdoxê şirketi zerweş benê. U çı wext erinoxi vinenê kı şirketo cı rê qıymet dano, o çax êy zi ze müşteri o şirketi dı her wext malê xü erinenê. Yani benê dayimi erinox".

İdayê Christian Grönroos, CRM şeklê do fıkrikerden o (virardeno). Perspektifê idare kerdenda şirketiyo/héreketiyo u qontrol kerdenda élaqayê erinoxan o. Yani bı na raya erinoxan qontrol kerden u zerweş kerdeno. Çewtey kı şirketi her tım vırazanê, bol écele hélkerdenda proplemi ercan erinenê u na écele kerdenı zi erinoxan tatmin nêkeno. Nımune; xırabeya tekniki merdım nêşeno bı fınê dı u bı éceleya raşt bıkero. Qandê kı merdım metodêdo rınd bıfino xü dest gerek merdım erinoxanê/ézayê xü memnun bıkero u waştenê ina biyaro ca. Tenya hél kerden u problemi cêser vinayenı qıym nêkeno. Gerek merdım éza u erinoxa bı cidiyeta meymenê xü kero.

Vateyê CRM qandê Christian Gröroos yeno no ména

• Erinox u gürweyoxi daimiyê (demırbaşiyê)
• İnfermasyon aletê gürweyo
• Makine u érd (dukan) zi mesrefo.

Yani merdın şeno nêy vaco kı, erinoxi her tım teqwiye niyê, gürweyoxi merdım qaporayê ma yo. İnfermasyon zi makinayê yaremeteyda mal vetenda mesrefê ma yo u merdım şeno her wext cı bıfırno*.

Christian Grönroos wuna vano; "Tenya qezenc amornayaenı u kamcin bazari kewtê ma dest fıkriyayenı xapeynayenda xü yo. Çiyê mühım noyo kı êy erinoxi yê kı şirketê ma dı mendê u héla wazenê ze erşinox ma hetı vınderê en çiyê do mühimo. Erinoxê newey peyda kerdenı hım vayo u hım zi memnun kerdenda ina bol wext gino u zéhmeto. En rındê cı êy erinoxê ki ma ra héla şi erinenê ma ina memnun bıkerê. Qandê erinoxan en mühim servis, yarametey u xızmeto. Qıymetê u qaliteyê mal dıma yeno. Her şirket u her mal vıratox gerek xü ze şirketi xızmeti bıvino ".

Erinoxê kıhani her tım kar o

Grönroos vano kı CRM stratejiyo u tekniki hélkerdenda problemi niyo**. Wextê ma yo newe dı T.İ (teknikê infermasyoni) zaf çiyan ser dı hükım keno. Zaf medımi zi ferqê CRM u cüwayışi virtüeli nêzanê u nêşenê pêra bı abırnê. Grönroos êy çi qebul nêkeno. Élaqayê erinoxan qandê bazar kerdena mali héme çira mühimo. Qandê Grönroosi, müşteri/erinox her tım heqliyo, çı wext nehéqozi. Erinox her tım erinoxo, şirket nê, erinox qerarê élaqay dano. Ka odo bıbo erinoxê ma, yan nê. Qandê şirket en mühim o yo kı erinoxê cı êy hetı bımano, qandê kı merdım peydê erinoxê newey nêgêyro. Qandê erinxê newey gêyrayenı mesrefêdo bol vayo. Koleyoxê (uzman, araştırman) tezê xü dı vanê, ju newe erinox peyda kerdenı vizt u panc (25) fıni faytıro u ju erinox kı şirketi verdayo êy newedera qezenc kerdenı héndı vayo. Eger merdım fıkrê nêy kolayoxan qebul bıkero se, gerek merdım erinoxandê xü rê wahêr bıvıciyo u ina her tım zereweş kero.

Çımey

• Siteye Grönroos
• Piya Forumu

NOT: © (copyright) Faruk İremet, bê iznê nuştox cayê binan rê neqıl kerdenı, xezete, forımanê binan dı neşır kerdenı u mekteban dı bê izin kar ardenı yasaxo. No yasaxı qandê héme nuştanê nuştoxi ravêreno. Na nuşte bı destê nuştox bı xü neqlê tiya biyo.