Wp/kiu/Annake

From Wikimedia Incubator
< Wp‎ | kiuWp > kiu > Annake

Annake

Annake leqebê zu mordemio. Mensubê eşira avdelızano. Hema nae ra vişt serre ver merdo şiyo. Weşiya ho zafêri dewa Çayırliye (Erzıngan) de ramıta. Zaf mordemê de wayirê aqılê pratiki biyo u zaf çiyo komik kerdo. Meselê verênê komiki hona-hona yenê ra zon, mılet qesey keno. Naine de gegane zaf baqıl beno, gegane ki saxtekarêni keno. Her qesa ho de vato "annake", na ri ra namê ho "Annake" mendo. Kes manê qesê Annake tam areze nêkerdo. Hema, belkia vato ke "aniawo ke", no qese vuriyo u biyo "Annake".

Dolmey[edit | edit source]

No zu roce şiyo zu dewe da bine de biyo meyman. Wayirê çêi ki ney rê dolmey potê. Nê dolmey tenê qıckeki benê. No ki dı tene dolmu zu raye de erzeno fekê ho. Wayirê çêi ki ebe cı huyino u cı ra pers keno, vano: "Annake, dewa sıma de mordemi ke merdi, dı tenu pia kenê mezele?". Annake hete ra dolmunê ho weno, hete ra ki cüabê mordemi dano: "Eke merdey qıckeki bi, dı tenu pia kenime mezele, eke gırs biy zu be zu kenime zerrê mezele".

Ostora nêwese[edit | edit source]

No heşiyo pê ke, zu ağaê de dewe ostora ho roseno, hurêndi de ostora newiye hêrneno. Yê ney ki zu ostora newesa, pêrsana ho bena. No reqi dano ostora ho sımıtene, sonê dewa ağay. Riyê reqi ra ostore bena xêğe, bena hewl. Heni sona ke, mılet qemis nêbeno ke qayt kero. Ağa ke ostore vêneno, vano: "Tı na ostore bıde mı, çı vazena, bıvaze mı ra". Annake ki vano: "Zu ostora ho hurêndi de bıde, zu ki tenê peru bıde, ez ki ostora ho don to". Mêrık sa beno, ostore cêno. Annake ki ostora newiye be peru cêno, sono dewa ho beno ra vindi. Beno meşte ke, ostora ke Annakey da, neşikina pau ser vındero. Bêli beno ke ostore nêwesa. Ağa areze keno ke, Annakey saxtekarêni kerda, hama neşikiyo ke thoa bıkero.