Wp/kiu/İsmail Hakkı Mutevelizade

Îsmaîl Hakki Mutevelizade, 1952 de Çolîg de amê dinya. O lacî Evdilvahab Muteliyûn bi. Keyê Muteliyûn yew keyeo xanedan o. Wextî Osmaniyan de idarê Çolîg destî Muteliyûn de bi. Wext ke 1923 de semedî xelaskerdiwî kurdistana partiya “AZADΔ niyay rue, mesûlî Azdaî ê Çolîg keye muteliyûn ra Tayyib Ali bi.

Îsmail hakki lise zi Çolîg de qedna û cuwa pey şi Ankara ADMMA- Yükseliş de wend. O wext ke ankara de bi, hêver yew mudeyo kilm komelê wendoxan ADYÖD de ca girot û Abdulah Öcalan û embazanî ey ya kar kerd, la cuwa pey înan abirya. Îsmail Hakki Ankara DDKD de zaf aktif kar kerd, heta îdareciyê na komel kerd. Ey ADMMA ra sey muhendisî makina qedna û amê Çolîg de Bayindirlik de xebitiya.

Goreyî agahdariye Ebukat Osman Aydin Îsmail Hakki 1976 de bi endamî Partiya Karkerên Kurdistan (PKK- KIP). La na parti ne partiya Abdulah Ocalan`a. na partî embazani Dr.Şivan naybî rue. Ey myanî şar de sey DDKD – Devrimci Demokratlar ameni sinasnayiş. Ey heta darbeyi 12 elul 1980 KÎP de aktif xebatê siyasî kerd û merkez komiteyî na partî de cagirot.

Îsmail Hakki 1982 de tepişiya û mehkemayî eskeriya de amê mahkimakerdiş. Ey endambiyayişî komite merkezî ê KÎP re 15 serr ceza girot û hende 8 serrî hepisxaneyî Diyarbekir de mend. O wext ke verradiya dewlet piyerê heqanî ey dest ra girotib. O zi zi mecbur mend dest bi mutehîtê kerd. Îsmail Hakki Çolîg de zaf ray geriya bindêst û emniyetî Çolîg de îfadeyî ey geriya. O 1995 de hêna tepişiya û hende 5 aşm Hepisxaneyanî Çolîg û Muş de mend.

Îsmail Hakki çiray fek welatperiyê ra verranida, ey bênatê serranî 2000 -2002 de platformanî kurd de ca girot. Înan yew komisyon semedî ruenayişî yew partiya kurd niyabi rue. Îsmail Hakki zi myanî nê komisyon de ca girot. Bi xebatê nê komisyonan partiya HAK-PAR niyay rue. Îsmail Hakki îdarê HAK-PAR de ca nêgirot, la sey dostî HAK-PAR mend û piyerê kombiyayişanî HAK-PAR de ca girot.

Welatparezî kurd Îsmail Hakki Mutevelizade 05.10.2005 de Ankara de neweşxaneyî Îbnî Sîna de kanseri Pankreas re merd. Cenzay Îsmail Hakki 06.10.2005 de Çolîg –Duzagax de defa bî. Her cayi kurdistan re welatparezî amê defa kerdişî Îsmail Hakki de hedre bî.