Wp/khw/یہ کہ خوشپ نو بیسیر/
آزاد نظم[edit | edit source]
"یہ کہ خوشپ نو بیسیر"
مہ احساسو دنیا
مہ خیالو دیہہ ای افس،،،،ای آرزو
تہ طلسمی ادو،،، تہ حسین صورتو
تہ سروراری ٹپ۔۔۔۔۔۔جادوئی نگاہاں
تہ ای مُختو لوڑی۔ ۔۔۔کہ جوشاوت اوا
تن سورو بہشٹی
تو خاکیہ نوری
تہ دیدر لا ثانی
مگم ھش وا کو؟
مختصر بو۔۔۔۔ فانی
بو افس کوری
بو امیدو سو
اوا تا توری
ای تقدیرو شیشو
وا تان پروشٹہ لاکھی،،
ہردیار لوڑاوا
شیشہ چُروق کوری
چھیتی اف دیکو سوم مہ احساس باوور کہ
ھیہ خوشپ بیرائے رے
وا ازلار شیرو
مہ احساسِ تنہائی کہ ہجومو موژا
متے ھش سریاک
۔اوا غیژی تنہا
وا ھنوں انوسو۔۔۔ اوا کَھس لاڑیمان
مہ چھاغو شکلہ تان۔۔۔ مہ سوم جستہ روپھی
کا دوستیو ہوستو ۔۔۔۔ ئی درونگیکو تے چق
کا اشروان مژی ۔۔۔۔۔۔ مہ پھیکیکوتے چق
وا اوریرو بختو ۔۔۔۔۔۔۔۔ انگہیکوتے چق
بو خوشان دی اسوم ۔۔۔۔۔
افسی دی ھنون
۔۔۔۔۔۔۔۔ وا دُعا دی مہ شیر
اے مہ پاک اللہا۔۔۔۔۔۔
ھتے کھانجہ شیرو
ای تقدیرو شیشہ
ای ھیہ مکالہ۔۔
کہ جام ڈانگ تھییسیر۔۔۔۔
یہ کہ خوشپ نو بیسیر۔۔۔۔
یہ کہ خوشپ نو بیسیر۔۔۔۔