Jump to content

Wp/khw/یہ عشقو انگار/ آزاد نظم

From Wikimedia Incubator
< Wp‎ | khw

یہ عشقو انگار،،،،،،

تو مہ نو اوشو،،

کیہ ازلار تان،،

مگم ہش اوشوے

تہ نامو سوم جست

نہ کوس نام اوشوے،،،

کلہ پتی کہ۔۔۔۔

تہ نام تَک اوشوے۔۔۔۔۔۔

مہ ہردی مُحکام۔۔۔

مہ آرزو جوان۔۔۔۔

تتے مس دی رے۔۔

ژنو نس دی رے،،

مہ افس دی رے،

دلاسہ اوا ۔۔۔

تان سورو دیاوت۔۔۔۔

مہ شومی قسمت،،،

اوشک گان نیسی

مہ خیالو دیہہ،،

کہ ویران بیرو،،،

تہ دی ہوست شیراے۔۔

مہ تباہ بیکہ۔۔۔

مہ گلہ نکی،،،

تو خوشان کہ ہو۔۔۔

کائناتو رنگ،،،

یہ رنگین دنیا،،،

سف رقصاں تہ سوم،،

مگم متے دی

ہانی حق تاریر،،

کہ تہ یاد کوری

مہ ہردی پلوئی،،،،

ہردی پھت بیتی،،،،

تہ یادو دیوو،،

ای دربت چاکیے،،،

تان سورو کوروم

دلاسہ اوا۔۔۔۔۔

مہ خیال دی کہ ۔۔۔

تت نواہچ بیراے،،،

اوا بوم کیچہ ۔۔۔۔

اوا کوم کیچہ،،،

تہ روخچیکو لُو،،،

نہ مہ چیتہ بوے،،،

نہ وسو کوروم،،،

یہ عشقو انگار،،،

تنار تان چاکور،،،

۔۔۔ نہ چاکین مو بوئے۔۔۔۔

۔۔۔۔۔۔۔ نہ بوغین ہمو۔۔۔ نہ بوغین ہمو۔۔۔۔۔