Wp/khw/ٹھُونگ شالو قرقانو چھوے
شاعر:عنایت جلیل عنبر
ٹھُونگ شالو قرقانو چھوئ
عشقو امتحانو چھوئ
درد اوچے فغانو چھوئ
تلخِ ژنکھدانو چھوئ
تہ محفلہ رنگو بو
تو گمبوریان روبرو
چوستیاای حورِ تو
ہوش کوری مغرورِ تو
جام اوچے پمانو چھوئ
رقصو ای سَمانو چھوئ
ٹھونگ شالو قرقانو چھوئ
عشقو امتحانو چھوئ
درونگ چہویو عاشق کاسیر
جنونہ کپال تہاسیر
سُست نِساو اشرو ماژیر
مس لوڑی برخ برخ ہاسیر
بو درونگار یورانو چھوئ
لوق برو گروانو چھوئ
ٹھونگ شالو قرقانو چھوئ
عشقو امتحانو چھوئ
غیچی تہ اشرو کسیر
رخمو ہوست سورو مژیر
تو بے مثال' بے نظیر
نظمہ انگوے تہ شاعر
بہشٹو گلشانو چھوئ
حور اوچے غِلمانو چھوئ
ٹھونگ شالو قرقان چھوئ
عشقو امتحانو چھوئ
گےء کہ تان اِستانہ گےء
گل بتی چمانہ گےء
مس بتی اسمانہ گےء
روح بتی بدانہ گےء
ای خیال گمانو چھوئ
پروشٹہ نشےء ژانو چھوئ
ٹھونگ شالو قرقانو چھوئ
عشقو امتحانو چھوئ
ہاتے عنبر تہ دِش کیہ نا
ہاتوت کیہ راوء کسِس کیہ نا
کہ ہوستی ہاے مریس کیہ نا
مری اچی کیڑس کیہ نا
ٹخ دتی ارمانو چھوئ
شوتِ قرسمانو چھوئ
ٹھونگ شالو قرقانو چھوئ
عشقو امتحانو چھوئ
نو را جوش' عنبر ہاسے
سفو خوش جگر ہاسے
شخچہ تان مہتر ہاسے
ہر شونہ ازبر ہاسے
بو گران ہجرانو چہوےء
شامِ غریبانو چھوئ
ٹھونگ شالو قرقانو چھوئ
عشقو امتحانو چھوئ