Wp/khw/ویکپیڈیا ممبران

ویکیپیڈیا صارفین یا ویکیپیڈیا ممبران یا ویکیپیڈیا برادریار مراد ھتے روئے کا کہ ویکیپیڈیا تان اکاونٹو یعنی کھاتہ کھولاو کوری نیویشینان یا ایڈٹ کورونیان وا انسائکلوپیڈیاو مفادو خاطرا ھمو ساوزیکو، ایڈیٹ کوریکو، ھوٹو اپلوڈ کوریکو، زمرہ بندیو، سانچہ سازیو اوچے مقالات نویسیا تان حصو درینیان۔ وا کھوار ویکیپیڈیاو ہر لحاظا ای آزاد دائرۃ المعارف یا انسائکلوپیڈیاو شکل دیکو بچے تان موژی تعاون کورونیان۔
کھوار ویکیپیڈیاو صارفینان تعداد تاحال 2,595,919 بیتی شیر۔ وا کھوار نیویشاکن ای لوٹ تعداد کھوار اکیڈمیو تحریکو وجھین مستقل پابندیو سورا ھیہ کھوار منصوبا شریک آسور۔ وا بو زیات گمنام صارفین دی پاوبندیو سورا کھوار نیویشینان وا ھیہ منصوبو ترقی اوچے مضامینان اصلاحو بارا تبادلۂ خیال کورونیان۔ کھوار جم جم مقالات نیویشاکن بچے اسپہ کھوار ایوارڈو دی اعلانو کوسیان تاکہ نیویشاکن تان موژی مقابلو رجحان پیدا بوئے وا جم جم کھوار مقالہ مختلف موضوعاتہ نیویشونو بونی۔ تھے قلم اسناور وا تان آویلو مضمونو نیویشور۔