Wp/khw/وامق جونپوری

Wp/khw/وامق جونپوری
پیدائش
Disappeared
بریک
قبر
نن تت

imagesizeimage

احمد مجتبیٰ المعروف وامق جونپوری Template:دیگر نام، (پیدائش: 23 اکتوبر، 1909ء - وفات: 21 نومبر، 1998ء) بھارت کے ممتاز ترقی پسند شاعر تھے۔ ۔

شعری مجموعے

• 1949ء ۔ چیخیں
• 1950ء ۔ جرس (ناشر: دانش محل، لکھنؤ)
• 1980ء ۔ شبِ چراغ
• 1990ء ۔ سفرِ ناتمام (ناشر: اتر پردیش اردو اکیڈمی، لکھنؤ)

ترتیب

• 1944ء ۔ مخدوم کے سو شعر (بہ اشتراک وقار خلیل، حفیظ اقبال)

خودنوشت

• 1993ء ۔ گفتنی نا گفتنی - (ناشر: خدا بخش اورئینٹل پبلک لائبریری، پٹنہ)

وامق جونپوری پر لکھی گئی کتب

• وامق جونپوری شخص اور شاعر، ایس ایم عباس، 1991ء، ایس ایم عباس ایڈوکیٹ، تاڑ تلہ، جون پور
• وامق جونپوری: شخصیت اور شاعری (وامق صدی تقریبات میں پیش کیے گئے مقالات)، مرتب: علی احمد فاطمی، 2010ء، (ناشر: شعبہ اردو، جامعہ الٰہ آباد)

اعزازات

• اترپردیش اردو اکادمی ایوارڈ
• سوویت لینڈ نہرو ایوارڈ
• میر اکادمی ایوارڈ

نمونۂ کلام

غزل

دل کے ویرانے کو یوں آباد کر لیتے ہیں ہم		کر بھی کیا سکتے ہیں تجھ کو یاد کر لیتے ہیں ہم
جب بزرگوں کی دعائیں ہو گئیں بیکار سب		قرض خواب آور سے دل کو شاد کر لیتے ہیں ہم
تلخی کام و دہن کی آبیاری کے لیے		دعوت شیراز ابر و باد کر لیتے ہیں ہم
کون سنتا ہے بھکاری کی صدائیں اس لیے		کچھ ظریفانہ لطیفے یاد کر لیتے ہیں ہم
جب پرانا لہجہ کھو دیتا ہے اپنی تازگی		اک نئی طرز نوا ایجاد کر لیتے ہیں ہم
دیکھ کر اہل قلم کو کشتۂ آسودگی		خود کو وامقؔ فرض اک نقاد کر لیتے ہیں ہم

غزل

ابھی تو حوصلۂ کاروبار باقی ہے		یہ کم کہ آمد فصل بہار باقی ہے
ابھی تو شہر کے کھنڈروں میں جھانکنا ہے مجھے		یہ دیکھنا بھی تو ہے کوئی یار باقی ہے
ابھی تو کانٹوں بھرے دشت کی کرو باتیں		ابھی تو جیب و گریباں میں تار باقی ہے
ابھی تو کاٹنا ہے تیشوں سے چٹانوں کو		ابھی تو مرحلۂ کوہسار باقی ہے
ابھی تو جھیلنا ہے سنگلاخ چشموں کو		ابھی تو سلسلۂ آبشار باقی ہے
ابھی تو ڈھونڈنی ہیں راہ میں کمیں گاہیں		ابھی تو معرکۂ گیر و دار باقی ہے
ابھی نہ سایۂ دیوار کی تلاش کرو		ابھی تو شدت نصف النہار باقی ہے
ابھی تو لینا ہے ہم کو حساب شہر قتال		ابھی تو خون گلو کا شمار باقی ہے
ابھی یہاں تو شفق گوں کوئی افق ہی نہیں		ابھی تصادم لیل و نہار باقی ہے
یہ ہم کو چھوڑ کے تنہا کہاں چلے وامقؔ		ابھی تو منزل معراج دار باقی ہے

وفات

وامق جونپوری 21 نومبر، 1998ء کو جونپور، بھارت میں وفات پا گئے۔