Wp/khw/مہ خوش پروانہ بسیئران شام بکوسُم تان
مہ خوش پروانہ بسیئران شام بکوسُم تان
مہ خوش پروانہ بسیئران شام بکوسُم تان
تان ھاولیئو بق بقہیئران شام بکوسُم تان
تو محلہ سُرنائے بشُورن رقصِہ کُل عَالم
مہ شوڑبیٹئہ غِم ٹخیئران شام بکوسُم تان
عشقو بِچانہ تو یسی ڈُق دِتی ویزین
اُمیدو غیچ کو پِلکھئیران شام بکوسُم تان
کوس تہ پہلُوا بوے َاباد سُرُورو دُنیا
کا نِشی اَرمان ہُویئران شام بکوسُم تان
اسمانہ مس یورو ومدار ہُوت رُوپھی مغرور
زَمینومس تو دِرئیران شام بکوسُم تان
زمینو مس بَھت یئی نِسے عنبرو دُنیا
گیر جہانہ تت قوئیران شام بکوسُم تان