Wp/khw/محمد علی جناح

From Wikimedia Incubator
< Wp‎ | khwWp > khw > محمد علی جناح
Jump to navigation Jump to search

محمد علی جناح
جناح کی آخری زندگی میں لی گئی تصویر
پاکستان کے پہلے گورنر جنرل
عہدو گانیتائے
15 اگست 1947 – 11 ستمبر 1948
شاہی حکمران جارج ششم
وزیر اعظم لیاقت علی خان
پیشرو عہدہ تخلیق ہوا
جانشین خواجہ ناظم الدین
مکلم ایوان زیریں پاکستان
عہدو گانیتائے
11 اگست 1947 – 11 ستمبر1948
ڈپٹی مولوی تمیز الدین
پیشرو عہدہ تخلیق ہوا
جانشین مولوی تمیز الدین
پاکستانی آئین ساز اسمبلی کے پہلے صدر
ڈپٹی لیاقت علی خان
پیشرو عہدہ تخلیق ہوا
جانشین لیاقت علی خان
ذاتی تفصیلات
آژیک محمد علی جناح بائی
25 اولانو پیرامیٹر اشتباہ شیر! 10876(1876-12-25)
بریک 11 ‎ستمبر‎ 1948 (عمر 71 سال)
کراچی، صوبہ سندھ، ڈومنین پاکستان
سیاسی جماعت
بوک
اولاد دینا (مریم جناح سے)
نن تت پونجا جناح( والد) (father)
مٹی بائی جناح (والدہ)
یونیورسٹی لنکن ان
پیشہ قانوندان
سیاست دان
مذہب اسلام
دسخط

قائد اعظم محمد علی جناح (25 دسمبر 1876ء - 11 ستمبر 1948ء) ای وکھیل، سیاست دان اوچے آل انڈیا مسلم لیگو راہنما اوشوئے وا ھورو قیادتہ برِّ صغیرو مسلمانن نہ صرفی برطانیہو ساری آزادی حاصل آرینی بچومکہ تقسیمِ ہندو ذریعا پاکستانو ساوزیتانی وا ھیس پاکستانو آولانو گورنر جنرل ساوز ہوئے۔ سرکاری طورا ھوتے پاکستانہ قائد اعظم یعنی وا بابائے قوم یعنی قومو تت دی رونو بویان۔

محمد علی جناح برصغیرو نامور وکیل، سیاست دان اوچے بانی پاکستان اوشوئے۔ محمد علی جناح 1913ءار گنی پاکستانو آزادی 14 اگست 1947ء پت آل انڈیا مسلم لیگو سربراہ اوشوئے، ھیغار آچی قیام پاکستانار آچی تان انتقالہ پت، ھسے ملکو آولانو گورنر جنرل بہچی آسور۔ سرکاری طورا پاکستانہ ھوروتے قائد اعظم یعنی سفان ساری عظیم رہبر اوچے بابائے قوم یعنی قومو تت دی رونو بویان۔ جناحو یوم پیدائش پاکستانہ قومی چٹیو طورا مناو کورونو بویان۔

کراچیو پیدائشی اوچے لنکن ان نامی دنیو عظیم یونیورسٹیار بیرسٹریو تربیت حاصل کوراک جناح، 20 ویں صدیو ابتدائی جو عشرا آل انڈیا کانگریسو اہم رہنمو طورا منشور ہوئے۔ تان سیاستو ابتدائی زمانا ھسے ہندو مسلم اتحادو بچے بو کوروم آریر، 1916ء آل انڈیا مسلم لیگ اوچے آل انڈیا کانگریسو موژی باک میثاق لکھنؤو مرتب کوریکا ھیس بو اہم کردار ادا آریر۔ جناح آل انڈیا ہوم رول لیگو اہم رہنمان موژار اوشوئے، وا ھیس جوہچھور نکاتن دی پیش آریر، وا ھمی نکاتن مقصد ہندوستان و مسلمانوانن سیاسی حقوقن تحفظ کوریک اوشوئے۔ بہر حال جناح 1920ء آل انڈیا کانگریساری مستعفی ہوئے، وا ھورو وجہ آل انڈیا کانگریسو موہن داس گاندھیو قیادتہ ستیاگراو مہم چلیکو فیصلہ اوشوئے۔1940ء پت جناحوت ھیہ یقین اوشوئے کہ ہندوستانو مسلمانانن تان بچے ای علیحدہ بطھنو جدوجہد کوریلیک۔ ھے سالی، مسلم لیگ جناحو قیادتہ قرارداد پاکستانو منظور آریر وا ھورو مقصد ای نوغ ملکو قیامو مطالبہ اوشوئے۔