Wp/khw/علی نواز ازہرؔ
| علی نواز ازہرؔ | |
|---|---|
| آژیک |
22 فروری 1992 (32)  پاکستان |
| تعلیم | ایف ایس سی |
| پیشہ | سرکاری ملازمت |
| عُہدہ | کھوار شاعر |
| نویوکو رشتہ دار | فریاد فدائیؔ ، ناظم غذریؔ |
| شہریت |
پاکستانی |
| مذہب | اسلام |
| نویوکوکوروم | انجمنِ محافظان کھوارو بانی رکن |
| Agent | Wp/khw/شمالی اخبارات |
| [گلگت بلتستان Official website] | |
علی نواز نام وا ازہرؔ تخلص، فروری مسو 02 تاریخ 1992 عیسویہ گلگتو حسین و جمیل وادی غذرو ݰیئلی وا اہل دلن دیہہ ٹیروا غیچ ہوریتاۓ۔ پرائمری جماعتہ پت سبق تن دیہا تن گورنمنٹ پرائمری سکولہ ریتاۓ۔ پونجو پاس کوریکر اچی گورنمنٹ ہائی سکول گلاغمولیہ داخلہ گنیتاۓ وا بو جم نمبران سورا سائنس میٹرک پاس اریر۔ میٹرک کوریکر اچی ڈگری کالج جوٹیال گلگتر ایف ایس سی اریر۔
دورو مسائلن پیش نظر لکھی مذید سبقو جاری لاکھیکو نو ہوۓ وا ملازمت شروغ اریر۔۔ کھوار زبانو سُم محبت بو پھوکیہ اوشوۓ سوتو جماعتہ اسیکہ کھوارا غزل نیویشیک شروغ اریر مگم کم عمر بیکن ہو غزلنتے کیہ اہمیت دیونو نو ہوۓ۔ 2015 غذرو منشور گلوکار رحمت علی شاہ دلداروؔ بو ذیاد اسرارو سورا تن کلامن ہوتے حوالہ اریر وا دلدارؔ ہیتن بو شیئلی ساز و آوازہ رے منشور اریر۔ موجودہ وختہ گلگتہ مقیم ، وا کھوارا ”گُلستانو رنگ “ نمو سورا ای کتاب چھاپ کوریکہ مصروف اسور۔ اللہ تعالٰی ہوتے کھوار زبانوتے ہموش تن خصمت کوریکو حوصلہ عطا کورار۔۔۔
ازہرؔوکلامان موژار ای کلام
مسیحا نو کورے شُعلہ بیانی
مہ عرضو کار کورے مہ تن زبانی
طبیب کہ یوری دوسی ہُش نو اریر
نو کونی دردو جو لفظ ترجمانی
اوا زندہ بومن بریاؤ انوسی
عجب دلسوز ہیہ عشقو کہانی
نزاکت گُلو کیہ معلوم ہتوتے
بسر ځوخن موژو کوس کہ جوانی
نیسی ہردیو غم خاناری اکثر
تھیور اوانہ مہ اَشکو روانی
یقین کوریکو جوؤ نام محبت
کوراری ہائے ہے موژی بدگمانی
تو مہ محسوس کورے ہردیو موژا
شُخصیرو وخت کہ گر تہ یادی ہانی
ای داغ ہردیو ٹیکہ تہ عنایت
مَسوم خور کیاغ دی نکی تہ نشانی
تَسوم وصالو جو لمحہ اچانک
کورینین ہانی وا کورین بغانی
محبت لا حاصل ، #ازہرٓ پھتوکی
پھتوکی یار ، پھتوکی زندگانی
#علی_نواز_ازہر