Wp/khw/عبدالکریم کریمی
| عبدالکریم کریمی | |
|---|---|
| Native name | عبدالکریم |
| Born |
6 جون 1984 بارجنگل، اشقامین، ضلع غذر، گلگت بلتستان پاکستان |
عبدالکریم کریمی گلگت بلتستانو ضلع غذرو ای شیلی وادی اشقامینو بارجنگلار تعلق لاکھویان۔ گلگت بلتستانہ زبان و ادبو دنیا ہورو نام بو مشہور۔ و ہس گلت بلتستانو ادبو دنیو ای شیلی نام۔ کریمی آدبو تان جوش سالہ سفرا بو کیاغ نیوشی اسور، ہے موژی شاعری، کالمز وا مضمون نیوشی اسور۔
مختصار شخصیتو تعارف
[edit | edit source]عبدالکریم کریمی6 جولائی 1984 عیسویہ گلت بلتستانو ای شیلی تحصیل اشقامینو بارجنگلہ اژیتائی۔ ہس ہے ژاغو ای ادبی و تعلیمی دورو سم تعلق لاکھویان۔ ہیہ وختان موژی ہس کالم، مضمون، شاعری وا کتاب نیویشیکار علاوہ ای ادبی رسالہ فکر و نظرو چیف ایڈیٹر دی اسور ۔
تعلیمو بارا
[edit | edit source]کریمی تان اویلو تعلیمو تان دیہو ای اسکولار تان گانیتائی۔ تان میٹرکو ہس گلتو سر سید احمد خان سکولار حاصل اریر و ہس کرانچی یونیسٹیار سیاسیاتہ ماسٹر ڈگری گنی اسور۔ وا اردو زبانہ ہو ماسٹر ڈگری ہو سم توریکو بیتی شیر۔
کریمی ای ادبی شخصیت
[edit | edit source]بیشیر جوش اوشٹ سالہ کریمیو تعلق گلت بلتستانو ادبی دنیار شیر۔ ہس برارگاری، امن و تان موژی جام ھال بیکو سبق دیکا مصرف اسور۔ خاص طورا ہے گلت بلتستانہ اردو زبانو ترقیو بچین بو زیاد کوروم کورویان۔ وا ہے سلسلہ ہورو کھوشش بوغدو جوش سالار یی جاری شینی۔ ہس غذرا ای ادبی رسالہ فکر و نظر نامین جاری کوری اسور و ہورو چیف ایڈیٹر دی ہس تان۔ ہیہ رسالہ گلت بلتستانار علاوہ چھترارا دی مشہور۔ وا چھترارو لوٹ ادیبان ہے رسالوتے نیویشیکو سلسلو جاری لکھی اسونی۔ ہیغار علاوہ ہے رسالہ گلت بلتستانہ مذہبی ہم آہنگیہ بو کوروم کورویان۔ وا گلتو تمام مکاتب فکرو سم تعلق دراک عالمن ہے رسالہ تان مضمونن شائع کوراو ای ایغو سم محبتو ظاہر کورونیان۔ رسالہ اکتوبار ۲۰۱۰ آر یی شائع کورونو بویان۔ ۲۰۱۰ ار اچی ہیہ رسالہ بو نام گنی شیر۔ رسالہ نقل تھمام دنیو ہار ای لائبیریہ غیچی گونیان۔
کتاب
[edit | edit source]کریمی اردو زبانہ شاعری کورویان وا اردو زبانہ ہورو ای کما کتاب شائع دی بیتی شینی۔
شاید پھر نہ ملیں ہم
[edit | edit source]ہیہ کریمیو اویلو کتاب وا ہیہ کتاب ۲۰۰۸ عیسویہ شائع ہوئی۔ ہے وختہ کریمیو عمر صرفی بیشیر چھور سال اوشوئی۔ ہیہ کتاب کریمیو انگیتی ادبو دنیو پھورا تاریتائی۔
فکر و نظر
[edit | edit source]کریمیو جوو کتابو نام فکر و نظر۔ ہیہ کتاب ۲۰۰۹ عیسویہ شائع ہوئی و ہیہ کتاب کریمیو اخبارنتے نیویشیرو کالم و مضمونان سار ٹپ۔ ہے کالم و مضمون ملکی و علاقائی اخبارا شائع بیتی شینی۔
تیری یادیں
[edit | edit source]کریمیو ترویو کتابو نام تیری یادیں۔ و ہیہ کتاب ۲۰۱۱ عیسویہ شائع ہوئی۔ ہیہ کتاب دی شاعیرار ٹپ ای شیلی کتاب۔
ہمیتان سار علاوہ کریمی خور دی شیلی شیلی کتاب نیویشی اسور۔ ہے کتابن نام ہیہ زائلہ شینی۔
- سسکیاں ۲۰۱۱ء
- تلخیاں ۔۔۔۔۔ مضمونن غڑاڅھون
- پذیرائیاں۔۔۔۔۔ کالمن غڑاڅھون
- تنہائیاں۔۔۔۔۔ کالم و مضمونن غڑاڅھون
- یہ میرا گلگت بلتستان ۔۔۔ سفر نامہ
- زندگی کٹ جائے گی۔۔۔۔ افسانہ
- سنہرے درد۔۔۔۔۔ ناول
- حرف کے سائے۔۔۔۔۔ کالمن غڑاڅھون
- سعدی سے کریمی تک ۔۔۔۔ تان خاندانو تاریخو بارا نیویشی اسور