Wp/khw/عبدالخالق تاج

عبدالخالق تاج
Native name	عبدالخالق
Born	23 مارچ 1955 کشروٹ محلہ ضلع گلت، گلت بلتستان پاکستان

عبدالخالق تاج گلت بلتستانو شغر و ادبو دینو ای شیلی و بے مثال نام۔ تاج تان پیشو سم جستہ جستہ شغرو شاعریو کھسپو دی جاری لاکھی ہیرا بو شیلی نام نیتائی۔ شینا زبانو سم ہو تعلق بیکین ہنیسے دی ہس شینا زبانہ شاعری کوئی۔ وا ہورو کھوار زبانہ دی ای کما کڑوم بو مشہور شینی۔

شخصیتو تعارف

عبدالخالق تاج گلتو ای میانہ خاندانہ اژیتائی۔  ہس گلتو بیورو کریٹان موژی اشمار کورونو بویان۔ وا ہس تان څیق عمرار یی شاعریو کھسپو اپناو کوری اسور۔  کھوار مشہور بشاونو۔۔۔۔۔ ہردی مشہور کی نو بوئے تا فقیرو۔۔۔۔ شینا زبانہ ترجمہ کوری ای شیلی بشاونو ساوزے اسور و ہے بشاونو تاجو کھپالہ ادبو تاجو لاکھیکہ کیہ دی کوتاہی نو اریر۔ 

شاعری تاجو

تاجو شاعریو اصل مرکز مذہبی دشمنی و ای ایغو سم نفرت شیر۔ ہس تان شاعریو ذریعہ مذہبی دشمنیو کم کوریکو بچین بو زیاد کوروم کوری اسور۔  

تاجو شاعری بو مضاحیہ مگم ہس تان ہے مزاحیہ شغران موژہ بو بو لوٹ سبق پھیڅی اسور۔  ۲۰۰۴ عیسویہ کیہ وت کہ گلت شہرا سنی شیعہ فساد شروغ ہونی، تاج تان شاعریو گنی ہے فساداتن کم کوریکہ انتہائی اہم کوروم کوری اسور۔ وا گلتو امن و ای ایغو سم محبتہ تاجو کوروم گیاک زمانہ دی یاد کورونو بوئے۔  ۲۰۰۵ عیسویہ کیہ وت کہ گلتو  شیعہ و سنی عالمن تان موژی جنجالہ مصروف استانی ہے مکالہ تاج تان ہیہ شغرو گنی ہیتانتے جام راہ پاشیتائے۔ ہس تان شغرا ریتائے؛

 وہاں سے آغا برستا ہے

 یہاں سے ملا برستا ہے

ہمارے شہر کی گلیوں میں اک لاوا برستا ہے

تاجو شاعری مو شیلی شاعری وا ہس تان شاعریہ تان خوش دراکان ہوسیکو بو زیاد کوشش کورویان۔

تاج پونجو جماعتہ اسیکا تان شاعریو میدانہ پونگ لاکھیتائے۔ ہمونیہ پت تاج تان شغران جو دیوان نیویشی اسور۔ وا ہے دیوانن موژہ تاجو ای ہزارار زیاد کڑوم شامل شینی۔ ہے کڑوم مختلف زبانن نیویشیرو کڑوم۔ تاجو شاعریہ اردو ، شینا و کھوار زبان شامل شینی۔ شینا زبان گلت بلتستانو زیاد ژاغا چالو بویان وا کھوار زبان گلت بلتستانو ضلع غذر و خیبر پختونخواہو ضلع چھترارو لوٹ زبانو طورا ہش کورونو بونیان۔ 

تاجو کھسپ

تاجو عمر ہنیسے تروئے بیشیر سال۔ تاج بوغدو بیشییر جوش پونج تان کھسپو گنی رویانتے خذمت کوریکار اچی ۲۰۰۸ عیسیویہ تحصیلدارو حیثیتہ ریٹائر ہوئے۔